MIKA 7:9 - Tanou Moonsoi Timugon

⁹ Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.

MIKA 7:9 ပူးပေါင်းရင်းမြစ်များ

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

MAZMUR 37:6

Io mamuun ra kinoonsoi muno makasinda koson ra mato ru orou paat ra tanga' ru orou.

1 SAMUIL 24:15

Imansaa' aku ti ondo' masaga' potoyon ru raja' ru Israil! Ilai' noyo aku ti ondo' ilolowon mutu! Aku ti sanginan uku' minatoi ayuk, rondo' kutu ayuk!

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

MAZMUR 43:1

Iou Aki Kapuuno', paintalango' noyo ra aku kolondo' sala, sungkaa' aku tumingkuang ra bansa' ondo' nausung; painggaluro' aku intor ra ulun mangalaat am ulun maabau-abau.

MAZMUR 7:6

polosoo' ayuk pantula' kuno mangilou am mamparakop raki', am potoyon am tatangon nilo aku ra tana'!

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

2 SAMUIL 24:17

Nakito ru Raja' Daut malaikat ondo' tatanga' mamatoi ra mamagun no, kono boo ra Tuhan, “Aku noyo natulaan sabap ra nambaal aku ra kasalaan. Kaa' atan kia kasalaan ru bansa' ondo' makaasi'-asi' no? Ukumi' noyo aku am sasambaloi kuno!”

1 SAMUIL 26:10

Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.

1 SAMUIL 25:39

Pokorongog i Daut ra minatoi noyo i Nabal, indagu io, “Koompor noyo Tuhan! Binalasan No noyo i Nabal sabap ra pagasaban nali raki'. Nanginggalar noyo Tuhan no raki', ulipon Nati intor ra mambaal ra kalaatan. Tuhan galama' nangukum noyo ri Nabal sabap ra kalaatan nano.” Kopongo raginio nangator i Daut ra ulun mongoi ri Abigail koson manambili' riso masauk ra andu' nano.

1 SAMUIL 3:18

Ginio ra nantunung i Samuil ra ngaangai' no. Kalo binuni no atan pana. Kopongo raginio indagu i Ili, “Io noyo Tuhan; polosoon Io no mambaal ra atan ondo' karaan Nano ra moonsoi.”

IMAMAT 26:41

saboi mangkinibit Raki' minanggal risilo am namatir risilo giu' ra pagun ru pantula'. Pupus no, paat ra papag mino minggana' guang, am naukuman noyo sabap ra tula am guor nilo,

SULABOI 1:18

“Kaa' Tuhan matimpok sabap ra inanggal ku susuban Nano. Rongog kano raki', akau ngaangai' bansa', ilai' aku no ondo' marualan. Kamulakan kuno ungkuyon am ruandu' rinakop am inibit minugar.

MAZMUR 94:15

Katimpakan pabigoron poyo ra makama, am ngaangai' ru ulun mabanis guang manungka' riso.

MAZMUR 119:154

Sungkaa' aku no am palabuso' aku no; bayago' aku no sumugut ra bantu' Muno.

JISAYA 42:7

Sinungkirat Mu mato ru ulun bolou, am nampalabus ra ulun intor ra pangaputan ondo' molondom.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 56:1

Mindagu Tuhan ra ulun Nano, “Baalo' min atan ondo' matimpok am maaya' ra ukuman Kuno. Sabap ra sangkinolor poyo matong Aku mamayag ramuyun am katimpakan Kuno pabalaan.

JIRIMIA 10:19

Pompogolok mamagun ru Jirusalim, “Malandom pilat maiti! Pilat maiti kalo mapali'. Ragili indoson mai ra kaimbalaan ti masaanan mai, kaa' sotopot no kalo.

JIRIMIA 51:10

Indagu Tuhan, “Giminolok ulun Kuno, ‘Nampakito Tuhan ra itakau motopot. Ibok balai' takau mamagun ru Jirusalim ra atan ondo' binaal ru Tuhan, i Aki Kapuuno' takau.’ ”

AYUP 35:14

Ayup, kamu kalo makito mu Io; kaa' inaani' ra guang mokoorot – baal muno soroi giu' ra saang Nano.

JISAYA 51:22

Gitio noyo ragu ru Tuhan mino, Tuhan i Aki Kapuuno' noyo sumaung ramuyun, “Kaimbalaan ondo' pinataak Kuno ralalom sangit Kuno, alapon Ku sagulio' intor ramuyun. Guang kuno sumalui, am kalo pana boo saanin min.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.