MIKA 7:8 - Tanou Moonsoi Timugon

⁸ Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

MIKA 7:8 ပူးပေါင်းရင်းမြစ်များ

AYUP 31:29

Kalo igondo' aku maansukan paat ra pantula' kuno maimbolo', am kalo igondo' maansayan paat ra ilo malumpa' ru karaat.

MAZMUR 112:4

Sinda mapaang ralalom kalandaman ra tayar ru ulun ondo' mabanis guang; makaasi' io, motogom, am matimpok.

MAZMUR 143:3

Pantula' kuno nangilou raki', am mampaala raki'. Pasubolon no aku ra pangaputan ondo' molondom, am aku ti koson ra ulun ondo' nabuoi noyo minatoi.

MAZMUR 20:8

Mokoondo' niayuk ulun malansan ra kurita' kuda nilono, mokoondo' niayuk bokon lumansan ra kuda nilono, kaa' itakau malansan ra kuasa' ru Tuhan, i Aki Kapuuno' takau.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 35:19

Pai' polosoo' pantula' ra maabau-abau no, ondo' magasab ra naalaan kuno! Pai' polosoo' ulun ondo' masisang raki' ra kolondo' sasaban, maansukan ra kangilukan kuno!

MAZMUR 37:21

Ulun malaat magira' am kalo pasagulion no, kaa' ulun moonsoi mapataak ra kinataau ru guang no.

MAZMUR 37:24

Amon maratu' ulun no, kalo majamaran io, sabap ra Tuhan mangitang ra longon nano.

MAZMUR 38:16

Kaa' malansan aku Rirun, iou Tuhan; am Okou, iou Tuhan, i Aki Kapuuno' kuno, mangiou ra pakiasian kuno.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

MAZMUR 97:11

Kinoonsoi ri Aki Kapuuno' no makasinda koson ra sinda ru ulun mabanis guang, am mapabansuk ra ulun moonsoi.

JISAYA 2:5

Alii ra papag ri Jakub, ugar takau ralalom sinda ru Tuhan!

JISAYA 49:9

Ulun ra inaput susubon Ku mingkual; ondo' soroi ra intok molondom ibiton Ku ra intok matawang. Giu' ra bulur nabugasan pana kolondo' kapaganan nilo, gagawar ru ralan pinaatang akanon.

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 9:2

Iou Tuhan, inanian Mu ilo ra kaansukan maayo, binansuk Mu ilo. Maansukan ilo sabap ra binaal Muno, koson ra ulun maansukan bulintok mangkumos ra tatanom, kapoam mantatayar ra kuliamos ginaau.

JIRIMIA 48:27

Okou Moab, nakara' mu kia ragili kinuritan mu ulun ru Israil am sinimbaalan ilo ra ragu ilain koson ra narakop ra narampatan nababaya' ra ulun mantakou?

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JIRIMIA 8:4

Nanusub Tuhan raki' mampasaboi ra ragu-ragu ragitio ra ulun Nano, “Paat ra ulun maratu', maaru' tumirong ilo poyo. Paat ra ulun makalayau ra ralan, maaru' sumaguli' ilo ra ralan galing.

YEHEZKIEL 25:6

Indagu Tuhan Raja', “Masisang kau kaga' ra Israil saboi magilakup kau am mansasayau ra maansukan ra napusaan ru pagun Israil.

YEHEZKIEL 35:15

koson akau ragili maansayan magilong ra pagun ru Israil, longgom Kuno nasauk ra kolondo' tutuu' am masiluk. Sotopot no kabuluran ru Siir, am niayuk titikop ru pagun Idom masauk ra kolondo' tutuu' am masiluk. Paat raginio makapandai boo moonong ulun ra Aku noyo Tuhan.”

YEHEZKIEL 36:5

“Ralalom ru simbuluk ru sangit Kuno, Tuhan Raja' nagulas ra bansa'-bansa' paginggaar no, mulu' poyo ra Idom. Pinabaya' ra maansayan am paliso magasab, ginaau nilo pagun Kuno am padang sakot no.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

OBAJA 1:12

Akau sotopot no kalo maansukan sabap ra karaat ondo' nakalumpa' ra pabukat min giu' ra Jiuda. Akau sotopot no kalo maansukan paat ra orou ilo mapuso. Akau sotopot no kalo makakurit risilo paat ra ilo mapagon.

MIKA 4:10

Mamagun ru Jirusalim kau ngai', pambilor am pampalaa kano koson ra ruandu' ondo' tatanga' maganak, sabap raino mangiruan kau kalalaat ra bandar ti am mayan giu' ra padang. Mongoi kau kalalaat ra Babil, kaa' giu' no Tuhan mamayag ramuyun intor ra pantula'.

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MATIUS 4:16

Ulun ondo' soroi ralalom kalandaman makakito ra sinda matawang. Ra ondo' mayan ra intok kapatayan silawon ilo ra binusasal.”

JUANIS 16:20

Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

2 KORINTUS 4:9

Masuang makimantula' ramon, kaa' kalo igondo' akai iruani' ri Aki Kapuuno'. Kabalu' pana magail akai ayuk pampasin, kaa' kalo noyo maluus akai.

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.