MIKA 7:3 - Tanou Moonsoi Timugon

³ Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

MIKA 7:3 ပူးပေါင်းရင်းမြစ်များ

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

AMOS 5:12

Nakapandai Aku mapara' gayo ru tula min am mapara' suang ru kalaatan ondo' binaal min. Nangimbolo' kau ra ulun moonsoi, nangapu ra ruit rasua am nongompong ra ulun musikin intor ra makaalap ra katimpakan giu' ra pangakiman.

JIRIMIA 8:10

Ginio ra pataakin Ku umo nilono ra ulun bagu, am andu' nilo ra ulun bokon. Ngaangai' ulun ondo' maayo am niayuk boborok, maguyum ra kalabaan ra kalo mabanis guang. Niayuk poyo nabi am imam pana mamparuung ra ulun.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

MATIUS 26:15

“Atan panganian min raki' amon ru pataakin ku i Jisus ramuyun?” Panguntob ilo talu ngoopor ruit pirok am taaki' ri Judas.

GOSIA 4:18

Mopongo masuang inum ra wain, mantalan ilo ra inan ra guang maansayan. Masaga' ilo poyo asabin ka urumaton.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

YEHEZKIEL 22:6

Ngaangai' tingganai ru Israil lumansan ra kaikangan nilo galama' am namatoi.

JIRIMIA 3:5

Kalo sumangit Kou ayuk raki'; kalo mantilayun sangit Muno raki'.’ Okou Israil, ginio noyo ondo' raguon muno kaa' binaal mu niayuk ngaangai' kalaatan no.”

JISAYA 26:21

Tuhan matong intor ra intok Nano giu' ra suruga' koson mangukum ra ulun ra tana' ti sabap ra tula nilo. Namatayan ra inopot ra tana' ti masingkual, am lobong pana kalo boo mapasibuni risilo ondo' pinatoi.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

AMSAL 17:23

Akim ra kalo mabanis guang suminok mangapu ra rasua am kalo nampaugar ra katimpakan.

JISAYA 3:5

Moonong ulun mangimpai ra ulun bokon. Ulun mamulok kalo boo mangurumat ra ulun matutuo, am ulun kolondo' pangkat kalo boo mangurumat ra ulun makapangkat.

JISAYA 5:23

Kaa' bulintok ra akau aniin ra rasua kabalu' pana sanganu ayuk, makatampos kano mapalabus ra ulun makasala, am niayuk mongompong ra ulun ondo' kolondo' sala mangapu ra katimpakan.

JISAYA 32:7

Ulun mamparuung mangkara' am mambaal ra malaat. Mangkara' ilo ra ralan mamparuung ra ulun musikin ralalom ragu-ragu abau, am mongompong ra ulun musikin makaalap ra kaapuan nilono.

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

GOSIA 7:3

Indagu Tuhan, “Ra ruung am binaal malaat, kuminam mamagun mampabansuk ra guang ru raja' am pagawai-pagawai nano.

MIKA 2:8

Taam Tuhan, “Namulunsar kau ra ulun Kuno ra ilo ti ilain koson ra pantula'. Ungkuyon ondo' minuli' intor ra pangayawan am indoson nilo ti maayag giu' ra baloi. Kaa' akau maginaa koson mantakou ra sukub ondo' pinakai nilo.

MIKA 3:2

kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

AMSAL 16:30

Ilalai' min ilo ondo' mampajingit am manguliorom ramuyun ra mato; ginilo mangatang ra kalaatan.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

YEHEZKIEL 34:21

Sangawon min am anjungon min domba ondo' marualan saboi maanjung ilo intor ra sampanon ru domba.