MIKA 7:2 - Tanou Moonsoi Timugon

² Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

MIKA 7:2 ပူးပေါင်းရင်းမြစ်များ

MAZMUR 10:9

maginaa ilo ra intok pansibunian koson ra singa'. Mangkinuo ilo ra ulun ondo' kalo makalulu', am rokopon boo am ralaaton ilo mugar.

MAZMUR 12:1

Ra tingganai ru santimungan maririmbai. Sumugut ra layuk kabalu'. Mazmur ri Daut.

MAZMUR 12:2

Indangano' akai no, iou Tuhan, sabap ra kolondo' boo ulun ra moonsoi; ulun ondo' moonsoi guang kalo boo mauma'.

MAZMUR 57:6

Iou Aki Kapuuno', patalango' noyo kinaatang Muno giu' ra limbowon, am katulayan Muno ra titikop ru tana' ti!

AMSAL 1:11

Amon ru mindagu ilo, “Ibok, uyumo' takau ulun namatoi risilo. Ongoyo' takau gabuo' ulun ra kolondo' sala koson ra kukuli ayuk!

AMSAL 12:6

Ragu-ragu ru ulun malaat makapatoi, kaa' ragu-ragu ru ulun mabanis guang mapakaayag.

JISAYA 3:5

Moonong ulun mangimpai ra ulun bokon. Ulun mamulok kalo boo mangurumat ra ulun matutuo, am ulun kolondo' pangkat kalo boo mangurumat ra ulun makapangkat.

JISAYA 57:1

Paat ra ulun moonsoi matoi, kolondo' osoi pana makarati' kapoam mampalio riso. Kaa' paat ra ilo matoi, makalabus ilo ra karaat.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JISAYA 9:19

Giu' ra titikop ru pagun ulun mamungkayut am mangakan ra atan ayuk maakan, kaa' kalo maasug ilo. Pabukat galama' pana akanon nilo.

JIRIMIA 16:16

Indagu Tuhan, “Piawon Ku masuang ulun mangimpait koson mamparakop ra bansa' ragitio. Piawon Ku boo masuang ulun mampalula' koson mampalula' risilo giu' ra moonong gunung am bulur, am niayuk giu' ra luang-luang batu ru bulur batu.

JIRIMIA 5:16

Ulun-ulun mamanah nilo saujor ondo' baani; mampatoi ilo ra kalo makaasi'.

JIRIMIA 5:26

Ulun malaat minayan ra gino ngai' ru ulun Kuno. Koson ilo ra ulun ondo' maginaa ra landak pinasaau koson mamparakop ra susuit, sabap ra pinasaau nilo landak koson mamparakop ra ulun.

JIRIMIA 8:6

Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

SULABOI 4:18

Masalok pantula' magilong ramon, saboi kalo makaingkual akai ra ralan. Patayan mai mamaar noyo, sabap ra kaayagan mai mapupusan noyo.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

YEHEZKIEL 24:6

Gitio noyo ragu ru Tuhan Raja', “Aibui boo ra bandar ondo' nososok ra ulun mamatoi! Baal nano koson ra pagangan nontogol ondo' kalo igondo' liniungan. Kual ondo' pinasubo ra ralalom no iningkual saputul am saputul, saboi ngaangai' no nakai'.

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

GOSIA 6:9

Imam-imam giu' ra bandar raginio koson ra santimungan ulun mantakou ondo' nambaal ra pamulunsaran sininok ra ulun ondo' mangkiralan. Giu' pana ra ralan ondo' sumuku' ra intok mapasau giu' ra Sikgim pana namatoi ilo. Sumingon ilo mambaal ra ngaangai' baal ra malaat no.

MIKA 2:8

Taam Tuhan, “Namulunsar kau ra ulun Kuno ra ilo ti ilain koson ra pantula'. Ungkuyon ondo' minuli' intor ra pangayawan am indoson nilo ti maayag giu' ra baloi. Kaa' akau maginaa koson mantakou ra sukub ondo' pinakai nilo.

MIKA 3:10

Akau nambaal ra Jirusalim, bandar ri Aki Kapuuno', mimpuun ra pamatayan am kolondo' katimpakan.

MIKA 3:2

kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

JAKARIA 11:6

Indagu Tuhan, “Kalo makaasi' Aku ra osoi pana ra tana' ti. Aku galama' mampataak ra ngaangai' ulun ra ralalom kalindu' ru ulun manguasa' risilo. Ulun-ulun manguasa' no mamuso ra tana' ti, am kalo bayagon Ku io intor ra kuasa' nilo.”

RINALATAN 24:9

Ulun ru Jaudi pana ondo' soroi ra giu' i minaya' panguu' ri Paulus am nangiou ra ragu ri Tirtulus ti.

1 SAMUIL 24:11

Raino nakaili' kou galama' ra giu' ra ralalom ru luang batu ni, pinataak kou noyo ru Tuhan no raki'. Sinusub aku ru kukula' ngaulun ulun kuno koson mamatoi rirun, kaa' marara' aku. Tinaam ku ra kalo masaga' aku mapakaruol ra raja' ondo' pinili' noyo ru Tuhan.

1 SAMUIL 26:20

Pai' polosoo' ra aku ti matoi giu' ra pagun ru ulun, maalur intor ra Tuhan. Kua kia ra raja' Israil masaga' mamatoi raki' ondo' inasaban nogondo' ra kutu ti? Kua kia masaga' kou mangilou raki' koson ra ulun mangilou ra tombokou?”