MIKA 7:17 - Tanou Moonsoi Timugon

¹⁷ Mundus ilo koson ra kukuo ra rasawat ru kaau. Mingkual ilo intor ra kubu nilo am monontol, am mabaya' ra laa' matong ilo Rirun, Tuhan, i Aki Kapuuno' mai.

MIKA 7:17 ပူးပေါင်းရင်းမြစ်များ

2 SAMUIL 22:46

Nariu' kinabaani nilono; monontol ilo am ingkual intor ra kubu ru pangampinan.

2 TUNUNG RU BANSA' ISRAIL 17:10

Tuhan nambaal ra ngaangai' pamarintaan giu' ra liliut ru Jiuda malaa' mangayou ra Raja' Josapat.

MAZMUR 18:45

Bansa' ra suai pagun kumuku' malaa' raki', am gumagaya' mangkirongog ra panusuban kuno.

MAZMUR 72:11

Ngaangai' raja' migulatur samba ra saang nano, am ngaangai' bansa' sumauk ra ulipon nano.

MAZMUR 72:9

Namagun ra tana' kaagisan kumuku' samba ra saang nano am pantula' kuasaan no.

MAZMUR 9:20

Sukal no, iou Tuhan, akimi' noyo bansa'-bansa', pai' polosoo' ulun makalabus ra ukuman.

JISAYA 25:3

Ngaangai' bansa' ra maikang mongompor Rirun, am kalaanin giu' ra bandar ru bansa'-bansa' ondo' mangalaat.

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JISAYA 64:2

Gunung no monontol koson ra timug rumiri' ondo' pinarakan ra rasawat ru apui. Ibok noyo patalango' noyo kuasa' Muno ra pantula'-pantula' Muno, am sauko' noyo bansa'-bansa' monontol ra saang Muno.

JISAYA 65:25

Taani am anak domba masisimpung mangakan, singa' mangakan ra rami koson ra sapi', am kukuo kalo boo makakalalaa'. Giu' ra Sion, bulur Kuno ra matulai, kolondo' boo makalalaa', kapoam malaat.”

JISAYA 7:19

Tumimung ilo ra tobo-tobo ondo' mapasuk, lolot-lolot ru kabatuan bulur, am moonong bulungkut makaruui am niayuk limayak masakot.

JIRIMIA 16:16

Indagu Tuhan, “Piawon Ku masuang ulun mangimpait koson mamparakop ra bansa' ragitio. Piawon Ku boo masuang ulun mampalula' koson mampalula' risilo giu' ra moonong gunung am bulur, am niayuk giu' ra luang-luang batu ru bulur batu.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

SULABOI 3:29

Musiti' takau minggana' guang am maginaa, sabap ra maaru' lair lakat poyo mokoondo' ra kalansanan.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

SAGULION 32:24

Matoi ilo sabap ra mansalom am bitilan; matoi ilo sabap ra maruol ondo' makalalaa'. Maparatong aku ra bibiag masigo koson mansaam risilo, am kukuo makatuwo koson maninduk risilo.

JOSUA 9:24

Taam ulun Gibion, “Tuan, binaal mai koson raginio sabap nokorongog akai ra sotopot no Tuhan i Aki Kapuuno' muno namarinta ra ulipon nano i Musa koson manaak ra ngaangai' tana' ti rirun, am niayuk mamatoi ra mamagun nano paat okou mangayou. Binaal mai koson raginio sabap malaa' akai rirun; malaa' akai potoyon.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

1 SAMUIL 14:11

Ginio ra pinoloso nilo ulun ru Palistin nakakito risilo. Indagu boo ulun ru Palistin, “Ilai' kon! Mokoondo' ulun ru Ibrani miningkual intor ra luang nansibunian nilono!”