MIKA 7:10 - Tanou Moonsoi Timugon

¹⁰ Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

MIKA 7:10 ပူးပေါင်းရင်းမြစ်များ

2 SAMUIL 22:43

Mangumok aku risilo, saboi ilo masauk koson ra kaau; kikinjangin ku ilo koson ra losok ra ralan.

MAZMUR 109:29

Polosoon asabin pantula' kuno, am guang mauyu' kumuluput risilo koson ra sukub.

MAZMUR 115:2

Kua kia pangkuot ngaangai' bansa', “Atibo kia i Aki Kapuuno' nilono?”

MAZMUR 18:42

Gumolok ilo ra makiindangan, kaa' kolondo' osoi-osoi pana mangindangan risilo; mampiau ilo ra Tuhan, kaa' kalo tumaam Io risilo.

MAZMUR 35:26

Polosoon noyo ulun ondo' maansayan magilong ra aku naimbolo' masauk ilo ra maubong am mauyu'. Polosoon noyo ulun lumimbau no pansagulian guang am mauyu'.

MAZMUR 42:10

Ri Aki Kapuuno', manungka' raki', mindagu aku, “Kua kia pampalilian Kou raki'? Kua kia tanduusi' ku magiba' ra imbolo', kinibit ru kalaatan ru pantula' kuli?”

MAZMUR 42:3

Moondom aku Rirun, i Aki Kapuuno' ondo' maayag; sanggilan kia aku makasambayang ra saang Muno?

MAZMUR 58:10

Ra kalo poyo makatutun ilo, totokon ilo koson ra sakot; ralalom sangit No, maayag ayuk poyo ra ilo patirin ri Aki Kapuuno'.

MAZMUR 79:10

Pai' polosoo' bansa'-bansa' ra bokon mangkuot, “Ati i Aki Kapuuno' mini?” Ukumi' noyo bansa'-bansa' raginio ra saang mai sabap ra napasasar ilo ra raraa' ru ulipon-ulipon Muli.

MAZMUR 92:12

Makito ku pantula' kuno maala, am makaining ra golok ru ulun malaat ondo' mangayou raki'.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 41:25

Binuir Ku guang ru sangulun intor ra sirangon; kinibitin Ku io mongoi pamulunsar intor ra ralayo. Ngaangai' mangunguasa' kikinjangin no koson ra losok, koson niayuk ra sangulun manukang ra paliuk manginjang-nginjang ra tana' bandulan.

JIRIMIA 49:15

Mampalawo Tuhan ramuyun, am kolondo' sangulun pana mangurumat ramuyun.

JIRIMIA 51:24

Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

JIRIMIA 51:51

Kamin, ‘Inasaban am tinauyu' akai; totopot akai kalo maikang sabap ra ulun bansa' ru bokon minayan ra lamin-lamin matulai giu' ra Baloi ru Tuhan.’

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

DANIL 3:15

Raino paat ra akau mokorongog ra bolos ru bujung, suling, rebab, gambus, jitor am kuliamos ru miujik ra bokon, migulatur kau am samba ra sinungkalalaing no. Amon ru kalo, indibakin kau papatiron ra rapuan ondo' bibilak. Ati kia ra dewa ondo' makapamayag ramuyun?”

JOIL 2:17

Imam-imam ondo' mangandoi ayuk ra Tuhan giu' ra lolot ru altar am langgar ra tingganai Baloi ru Tuhan, musiti' mantangi' am makiasi' koson ragitio, “Pakaasi' no ra ulun Muno, iou Tuhan. Pai' polosoo' bansa' ra bokon magasab am mangiis ramon am mindagu, ‘Ati kia i Aki Kapuuno' min?’ ”

OBAJA 1:10

“Nantakou kau am namatoi ra pabukat min, papag ri Jakub. Ginio ra pusoon kau am asabin ru ulun ra kolondo' pupus.

OBAJA 1:12

Akau sotopot no kalo maansukan sabap ra karaat ondo' nakalumpa' ra pabukat min giu' ra Jiuda. Akau sotopot no kalo maansukan paat ra orou ilo mapuso. Akau sotopot no kalo makakurit risilo paat ra ilo mapagon.

MIKA 4:11

Masuang noyo bansa' timinimung koson mamulunsar ramuyun. Konilo, “Jirusalim musiti' pusoon! Magilong akai ra bandar no masauk ra malunsai!”

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

JIPANYA 3:15

Linanggaan noyo ru Tuhan mangukum ramuyun; Pinagiru' No ngaangai' pantula' min. Tuhan, raja' ru Israil, mabaya' ramuyun, kolondo' boo ondo' mampakalalaa' ramuyun.

JAKARIA 10:5

Mamagun ru Jiuda mamanang koson ra saujor ondo' manginjang-injang ra pantula' ralalom ru losok giu' ra ralan. Mangayou ilo sabap ra Tuhan mabaya' risilo. Kalaan nilo pantula' ondo' mangura' ra kuda.

MALIAKI 1:5

Bansa' ru Israil makakito galama' ra kasaukan raginio, am mindagu, “Totopot Tuhan makakuasa'; kuasa' Nano saboi giu' ra liwar ru pagun Israil!”

MALIAKI 4:3

Paat orou raginio mimbuor Aku, am kalaan min ulun malaat. Masauk ilo koson ra kaau ondo' kinjangin min.

MATIUS 27:43

Io ti malansan ri Aki Kapuuno' am rokoon no, ‘Anak Aku ri Aki Kapuuno'’. Moonsoi ilai' takau bayagon Io nua' ri Aki Kapuuno' raino.”

JOSUA 7:9

Ulun ru Kanaan am ngaangai' ulun ra pagun ti mokorongog ra baal raginio. Inawangan nilo akai am namatoi ramon ngai'! Atan kia boo ondo' baalon Muno koson magalung ra kaurumatan Muno?”

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.