MIKA 6:7 - Tanou Moonsoi Timugon

⁷ Mangapu kia Tuhan amon pataakon ku Riso kukula' ngaribu domba, kapoam umau jaitun ondo' masuang kaga'? Musiti' kia pataakon ku Riso lalaing katuaan kuno sabap ru tula kutu?

MIKA 6:7 ပူးပေါင်းရင်းမြစ်များ

2 RAJA'-RAJA' 16:3

Minaya' io ra binaal ru raja'-raja' ru Israil, am poyo nampataak io ra anak nano galama' koson ra taak simbalui ra dewa-dewa. Minaya' io ra kaindalaman ru mamagun ru pagun ondo' pinagiru' ru Tuhan paat ra ulun ru Israil siminubol ra pagun raginio.

2 RAJA'-RAJA' 21:6

Nampataak io ra anak ungkuyon nano koson ra taak simbalui ondo' solobon. Nambaal io ra mangilong am sihir, am nakitulu' io ra mangngilong am babalian. Maayo tula nano ra Tuhan am napasingkual ra sangit Nano.

2 RAJA'-RAJA' 23:10

Nampajamol niayuk Raja' Josia ra Topit, intok sambaan ra dewa giu' ra Limayak Ginom, maa' raginio kolondo' osoi pana makapapataak ra anak nano koson ra taak simbalui ondo' solobon ra Dewa Molok.

2 RAJA'-RAJA' 3:27

Ginio ra nagibit raja' ru Moab no ra anak ungkuyon ra katuaan nano minongoi ra rasawat ru timbok ru bandar no am pataako' no io koson ra taak simbalui no ra dewa ru pagun ru Moab. Nangalaa' ulun ru Israil saboi liminugut ilo intor ra bandar no, am uli' ra pagun nilo galama'.

AYUP 29:6

Bibiag tinambiag kuno manangampos ra masuang gatas, am puun ru jaitun tumuu' kabalu' pana giu' ra tana' kabatuan.

MAZMUR 50:9

Kalo masaga' aku ra sapi' gawayan intor ra umo mino, kapoam kambing ra tinambiag mino,

MAZMUR 51:16

Iou Aki Kapuuno' palabuso' aku intor ra kapatayan, am bayago' aku no, am ralalom bansuk ru guang kuno potonowon ku katimpakan Muno.

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 21:3

Binaal ra moonsoi am matimpok mapabansuk ra guang ru Tuhan ka taak simbalui ra pataakon.

JISAYA 1:1

Suang ru buuk ragitio napatanou intor ra Jiuda am Jirusalim ondo' pinabala' ri Aki Kapuuno' no ri Jisaya anak ri Amos, bulintok ra Raja' Ujia, Raja' Jotam, Raja' Agas am Raja' Gijkia namarinta ra Jiuda.

JISAYA 40:16

Ngaangai' bibiag giu' ra kataunan Libanon kalo maukop saukon ra taak simbalui koson mapabansuk ra guang ri Aki Kapuuno' takau, am puun-puun ra giu' no kalo maukop koson saukon ra luton.

JIRIMIA 19:5

Binaalan nilo i Baal ra altar maa' raginio makapampataak ilo ra anak-anak nilo koson ra taak simbalui ondo' solobon. Kaa' kalo igondo' Aku panusub risilo mambaal raginio, am poyo kalo igondo' baal raginio soroi ra pangkaraan Kuno.

JIRIMIA 6:20

Atan kia boo onong ru kaminyan intor ra Syiba ondo' inibit nilo Raki', kapoam apa' pampagamis ra akanon intor ra pagun maalur? Marara' Aku mangapu ra taak nilo. Marara' Aku ra taak-taak simbalui nilo.

JIRIMIA 7:31

Nambaal ilo rondo' altar ondo' ininggalanan ra Topit giu' ra Limayak Ginom. Giu' ra rasawat ru altar no nonolob ilo ra anak-anak nilo, ungkuyon am ruandu', koson ra taak simbalui. Sotopot no kalo igondo' Aku panusub risilo mambaal raginio, am niayuk kalo igondo' baal raginio miningkual intor ra pangkaraan Kuno.

YEHEZKIEL 23:37

Nansawa' ilo am namatoi ra ulun. Nansawa' ilo ra sinungkalalaing am namatoi ra anak-anak Kuno ondo' inanak nilo. Pinataak nilo anak-anak Kuno koson ra taak simbalui ra sinungkalalaing nilo.

GOSIA 5:6

Maguyum ilo ra Tuhan am nagibit ra domba am sapi' koson ra taak simbalui, kaa' binaal raginio kolondo' onong. Kalo nakatuum ilo ra Tuhan, sabap ra nangiruan ilo risilo.

GOSIA 6:6

Masaga' Aku poyo ra akau motogom Raki' ka mampataak ra taak simbalui Raki'. Masaga' Aku poyo ra akau makaulig Raki' ka monolob ra taak simbalui Raki'.

IMAMAT 18:21

Pai' pataako' sangulun intor ra anak muno alapon ra taak koson pataakon ra Dewa Molok, sabap ra baal raginio magasab ra inggalan ri Aki Kapuuno' muno, iono Tuhan.

IMAMAT 20:1

Nanusub Tuhan ri Musa

AMOS 5:22

Paat ra akau mampataak ra taak simbalui koson mapabansuk ra guang ru Tuhan am taak simbalui koson ragu paringkuanangan Raki', kalo apuon Ku. Kalo apuon Ku bibiag tinambiag ondo' molomok, ondo' pataakon min koson ra taak simbalui koson makibarakat Raki'.

PILIMON 1:12

Kabalu' pana motogom aku toojo riso, kaa' raino pootoron ku io niayuk saguli' rirun.

TINGGANAI RU BANSA' 11:31

mampataak aku ra ulun kasaa' toojo mingkual intor ra baloi kuno koson manguma' raki', ra aku makasaguli' intor ra pangayawan. Mampataak aku ra ulun no ra Tuhan koson ra taak simbalui koson mapabansuk ra guang ru Tuhan.”

TINGGANAI RU BANSA' 11:39

Kopongo ruo ngansila', saguli' io ra ama' nano, am baalo' ru ama' nano atan ondo' binantu' no ra Tuhan. Ginio ra anak ruandu' nano minatoi paat lakat poyo ralaa. Ginio puun ru kaulayan giu' ra Israil, ra

1 SAMUIL 15:22

Indagu i Samuil, “Ati kia ondo' kasagain poyo ru Tuhan, gagaya' kapoam taak am taak simbalui? Moonsoi poyo gumagaya' ra Tuhan intor ra mapataak Riso ra domba ondo' molomok kaga' no.