MIKA 6:5 - Tanou Moonsoi Timugon

⁵ Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

MIKA 6:5 ပူးပေါင်းရင်းမြစ်များ

MAZMUR 111:4

Kalo polosoon takau ru Tuhan mampalilian ra binaal Nano ondo' makaimuag; Io no motogom am maupus.

MAZMUR 143:11

Pamayag no raki', iou Tuhan sumugut ra bala' Muno; pamayag no raki' intor ra kapaganan sabap ra Okou no moonsoi.

MAZMUR 36:10

Okou noyo puun ru nansalinut kaayagan, am sabap ra sinda Muno, makakito akai ra sinda.

MAZMUR 71:19

Kinoonsoi Muno, iou Aki Kapuuno' minujak saboi ra limbowon. Mangaayo binaal Muno; kolondo' mokogondo' Rirun!

JISAYA 1:27

Sabap ra Tuhan no matimpok, bayagon No Jirusalim am moonong ulun ra giu' no tumalikur intor ra tula.

UNTABAN 22:41

Iosusuab ru suabon no nagibit Raja' Balak ri Biliam mongoi ra Bamot-Baal. Giu' no nakakito ri Biliam ra santayaran intor ra ulun ru Israil.

UNTABAN 23:27

Indagu Raja' Balak, “Ibok no, ongoi takau intok ra bokon. Maaru' lair giu' no, mangiou i Aki Kapuuno' rirun magulas ra ulun ru Israil ra tayar kuno.”

UNTABAN 25:1

Paat ra ulun ru Israil nangkim giu' ra Limayak Sitim, bala ru ungkuyon nilono tumalimpuun makimarulug ra ruandu' ru Moab ondo' minayan ra giu' no.

UNTABAN 25:2

Nangkimait ruandu'-ruandu' no risilo minongoi ra bunsag-bunsag ru taak simbalui koson mangurumat ra tuhan nilono. Ulun ru Israil niayuk nangakan ra kual intor ra taak simbalui no am siminamba

UNTABAN 31:16

Karaa' noyo ra ruandu' noyo ondo' minaya' ra bilin ri Biliam saboi nangkinibit ra ulun ru Israil kalo giminagaya' ra Tuhan giu' ra Pior. Baal raginio noyo naparatong ra maruol tumapik ra ulun ru Tuhan.

UNTABAN 31:8

nakaaya' limo ngaulun raja' ru Midian: I Iwi, i Rikim, i Jur, i Gur am i Riba. Namatoi ilo niayuk ri Biliam anak ri Bior.

IPISUS 2:11

Akau ulun sala' ka Jaudi, ondo' piawon ru ulun ru Jaudi ra “ulun kalo sinunatan” am ilo galama' inggalanin ra “ulun sinunatan” (sunat ti noyo kaulayan ru ulun mampalapa' ra inan). Karaa' ati kulaan baal min ra galing i.

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.

SAGULION 23:6

Buoi ra akau maayag am saboi ra sabuoi-buoi no, pai' pambaal ra atan-atan koson mangindangan ra bansa'-bansa' raginio, kapoam mapasauk risilo ra langkaya'.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

SAGULION 9:7

Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

JOSUA 3:1

Tawang ra suabon no, kiminarat mataki' i Josua am ngaangai' ulun ru Israil. Nangiruan ilo ra pangkiman giu' ra Sitim, am ongoi ra Sungoi Jordan. Nangkim ilo ra giu' no liliwa' naginaa koson lumaup ra sungoi no.

JOSUA 4:19

Ulun ru Israil liminaup ra sungoi no paat ra orou Koopor sila' kasaa', am nangkim ilo giu' ra Gilgal, tampilon ra sirangon ru bandar Jiriko.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.

1 JUANIS 1:9

Kaa' amon ru mangiou takau ra tula takau ri Aki Kapuuno', intopoton No bantu' Nali ritakau am mambaal Io ra atan ondo' motopot; ampunon No tula takau am mangimpasau ritakau intor ra ngaangai' kalaatan.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.

TINGGANAI RU BANSA' 11:25

Guang muno kia ra moonsoi kou poyo intor ra Raja' Balak anak ri Jipor, mangnguasa' ru Moab? Raja' Balak galama' kalo igondo' namulunsar ra Israil kapoam minanggal ra Israil!

TINGGANAI RU BANSA' 5:11

Rongogo' noyo! Ulun masuang ra liput ru tulubong Tatanga' mampatanou ra kamanangan ru Tuhan, kamanangan ru ulun ru Israil! Ulun ru Tuhan pana baris tumuun intor ra bandar-bandar nilo.

1 SAMUIL 12:7

Raino, pai' kapo ugar. Manguu' aku ramuyun ra saang ru Tuhan am mapakara' ramuyun ra ngaangai' ru binaal maayo ru Tuhan koson mamayag ramuyun am kinamatuaan mini.