MIKA 6:4 - Tanou Moonsoi Timugon

⁴ Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

MIKA 6:4 ပူးပေါင်းရင်းမြစ်များ

2 SAMUIL 7:23

Giti ra titikop ru tana' ti, kolondo' bansa' ra bokon koson ra Israil, ondo' binayag Mu noyo intor ra pangulipanan, am niayuk mapasauk risilo ra ulun Muno galama'. Binaal maayo am makaimuag no, ondo' binaal Muno risilo napatulai noyo ra inggalan Muno ra titikop ru tana' ti. Napagiru' Kou ra bansa'-bansa' ra bokon am dewa-dewa nilono paat ra ulun Muno jumalai mangayou, ulun ondo' binayag Muno intor ra Misir koson masauk ra ulun Muno galama'.

MAZMUR 77:20

Mugar Kou maya' ra kinulun ru raat, lumaup Kou ra raat ondo' malandom, kaa' kalo makito baya' ru kalayam Muno.

KAINGKUALAN 12:51

Paat orou raginio magibit Tuhan ra ngaangai' bansa' ru Israil mingkual intor ra Misir.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 3:10

Raino manusub Aku rirun mongoi uma' ra raja' ru Misir maa' raginio matingganai mu ulun Kuno mingkual intor ra pagun ru raja' no.”

KAINGKUALAN 4:10

Kaa' indagu i Musa ra Tuhan, “Iou Tuhan, pai' aku susubo'. Aku sala' ka ulun matanda' mindadagu, ragili am iou pana raino, kabalu' pana mindagu Kou noyo raki'. Kalo matanda' ra aku mindagu, malambayut mindagu am kalo masail ku toojo.”

KAINGKUALAN 4:16

Mindagu io ra ulun raginilo ra tayar ru bala muno. Masauk io ra mindadagu muno, am masauk kou koson ri Aki Kapuuno' ondo' mambala' atan ondo' musiti' raguon nano.

KAINGKUALAN 6:27

Ilo ruo noyo timinuum ra raja' ru Misir am makitaak ra raja' maa' raginio mapalabus ra ulun ru Israil.

JIRIMIA 32:21

Inibit Mu ulun ru Israil miningkual intor ra Misir ra kuasa' am kaikangan Muno. Nambaal Kou ra kaimuagan am baal-baal makaimuag ondo' nampakalalaa' ra pantula'.

AMOS 2:10

Inibit Takamin noyo miningkual intor ra Misir am naningganai ramuyun nansail ra tana' kaagisan buoi 40 ngambilor. Pinataak Ku noyo pagun ru ulun ru Amori ramuyun maa' raginio masauk ra pagun min galama'.

UNTABAN 12:1

Naguot i Musa ra sangulun ruandu' ru Kus. Ginio ra sinauk ri Miriam am i Arun ginio ra sasaban manuyu' ri Musa.

UNTABAN 33:1

Kopongo ulun ru Israil nangiruan ra Misir, ralalom barisan sumugut ra bansa' ru sigagama' tiningganai ri Musa am i Arun, nangkim ilo ra kukula' intok.

RINALATAN 7:36

Io ti noyo ondo' nagibit ra bansa' ru Israil miningkual intor ra Misir nabaya' ra kukula' kaimuagan sinauk no giu' ra Raat Malia' am poyo giu' ra tana' kaagisan saboi apat ngoopor ngambilor buoi.

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 24:18

Karaa' noyo, nakaili' kau nasauk ra ulipon giu' ra Misir am pinalabus kau noyo ru Tuhan i Aki Kapuuno' min. Ginio sabap ra nanaak aku ramuyun ra aturan ragitio.

SAGULION 4:20

Kaa' akau iono bansa' ondo' binayag Nano intor ra Misir, intok koson ra rapuan mampaliou ra basi' ondo' mapaang. Nagibit Io ramuyun miningkual intor ra pagun raginio maa' raginio masauk kau ra ulun Nano galama' koson ra baal min ra orou raiti'.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 5:6

‘Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok akau sinauk ra ulipon.

SAGULION 7:8

Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

SAGULION 9:26

Aku pana nakiasi' Riso, ‘Iou Tuhan Raja', pai' pusoo' ulun Muno, ondo' binayag Mu noyo am inibit miningkual intor ra Misir ra kaikangan am kuasa' Muno ondo' maayo.

1 SAMUIL 12:6

Rinayus poyo ri Samuil, “Nampili' noyo Tuhan ri Musa am i Arun. Io niayuk nagibit noyo ra kinamatuaan mini miningkual intor ra Misir.