MIKA 6:3 - Tanou Moonsoi Timugon

³ Indagu Tuhan, “Ulun Ku ngai', atan nua' binaal Kuno ramuyun? Ralalom ru baal atan nua' nantipagon Aku ramuyun? Taamo' noyo.

MIKA 6:3 ပူးပေါင်းရင်းမြစ်များ

MAZMUR 50:7

“Rongogo' noyo, akau ulun Kuno, mindagu Aku; sonsolon Takamin, akau Israil. Aku no i Aki Kapuuno', i Aki Kapuuno' min.

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

MAZMUR 81:13

Ginio ra nopoloso Aku risilo maya' ra kasagaan nilono, am mambaal ra kasagaan nilono.

MAZMUR 81:8

Bulintok ra akau makakapaganan, mampiau kau Raki', am Aku pana mamayag ramuyun. Intor ra intok pansibunian Kuno ra ralalom ru gaun ru ganit, iowon Ku kinitaak mino; giu' ra taur ru timug Miriba nangkinam Aku ramuyun.

JISAYA 5:4

Mokoondo' poyo kia baalon kuno, kaa' kalo poyo nabaal ku ra umo ru anggur kuno? Kua kia kataris kawa' ru anggur no, am sala' ka kawa' ra moonsoi koson ra kalansanan kuno?

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 2:5

Indagu Tuhan, “Atan kia panguwan ru kinamatuaan min Raki'? Kua kia talikur ilo Raki'? Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong.

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.