MIKA 6:16 - Tanou Moonsoi Timugon

¹⁶ Baal ragitio masauk sabap minaya' kau ra baal malaat ru Raja' Omri, am anak nano, Raja' Agab. Minaya' kau ra aturan ondo' inaru' nilo. Ginio ra mamuso Aku ramuyun, am ngaangai' ulun magasab ramuyun. Ulun giu' ra ati ayuk intok masisang ramuyun.”

MIKA 6:16 ပူးပေါင်းရင်းမြစ်များ

1 RAJA'-RAJA' 18:4

Paat ri Ijibil namatoi ra nabi-nabi ru Tuhan, binuni ri Obaja maatus ngaulun nabi giu' ra ralalom ru luang batu. Tinayar no ilo ra ruo ngampulalai, limo ngoopor ngaulun sampulalai. Nangani' io risilo ra akanon am inumon.)

1 RAJA'-RAJA' 9:8

Baloi ti masauk ra tuntur ru nangalunsai saboi ra moonong ulun ondo' mansail ragiti maliangan am makasioro'. Mangkuot ilo, ‘Kua kia baalo' ru Tuhan koson raginio ra pagun am Baloi ti?’

2 RAJA'-RAJA' 16:3

Minaya' io ra binaal ru raja'-raja' ru Israil, am poyo nampataak io ra anak nano galama' koson ra taak simbalui ra dewa-dewa. Minaya' io ra kaindalaman ru mamagun ru pagun ondo' pinagiru' ru Tuhan paat ra ulun ru Israil siminubol ra pagun raginio.

2 RAJA'-RAJA' 21:3

Binaal no saguli' intok-intok sumamba ra sinungkalalaing ondo' pinuso noyo ru ama' nali, Raja' Gijkia. Nambaal Raja' Manasi ra altar koson sumamba ra Baal am mambaal ra sinungkalalaing Dewi Asyira, koson ra ondo' binaal ru Raja' Agab, panguasa' ru Israil.

2 TUNUNG RU BANSA' ISRAIL 22:4

Raja' Agajia makatula ra Tuhan sabap ra kalupus pinatayan ru ama' nali, kukula' ngaulun ra sasambaloi ru Raja' Agab nasauk ra ulun maminson riso; ilo noyo ondo' nangkinibit ra naratuan ru Raja' Agajia.

2 TUNUNG RU BANSA' ISRAIL 34:25

Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.

MAZMUR 1:1

Pakaansuk noyo ulun ondo' kalo maya' ra ragu ru ulun malaat, kalo maya' ra paliso ru ulun makatula, kapoam lumatok ra ulun ondo' magasab ri Aki Kapuuno',

MAZMUR 44:13

Tinalan Mu ulun Muno ra atang kalo mologo, ra kalo mangalap ra sanganu pana kaulian.

MAZMUR 44:14

Sinauk Mu akai ra asasabin ru sambalayan mai; manauyu' ilo am makakurit ramon.

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 9:16

Ginio ra kalo polosoon ru Tuhan ulun mamulok nilo lumabus. Kalo igogondo' Io pakaasi' ra ulun napuor am lalaing nailusan ra matuo, sabap ra ngaangai' ulun no namatir ra pangintapatan am liminaat. Nansalinut raguon nilono malaat. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JIRIMIA 19:8

Palumpaan Ku karaat makalalaa' ra bandar ti saboi moonong ulun ondo' mansail ragiti makatigog am malaa'.

JIRIMIA 25:18

Jirusalim am ngaangai' bandar giu' ra Jiuda, nababaya' ra raja'-raja' am tingganai-tingganai nilo, sinusub manginum intor ra sangkir no saboi ra ilo nasauk ra tana' kaagisan ondo' makalalaa'. Pakuan ra inggalan nilo koson ra ulas, koson ondo' nasauk saboi ra orou raiti'.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 51:51

Kamin, ‘Inasaban am tinauyu' akai; totopot akai kalo maikang sabap ra ulun bansa' ru bokon minayan ra lamin-lamin matulai giu' ra Baloi ru Tuhan.’

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

SULABOI 5:1

Karaa' noyo, iou Tuhan, atan ondo' nasauk noyo ramon. Ilai' akai no, ilai' nagasaban ramon.

YEHEZKIEL 39:26

Paat ilo mayan poyo giu' ra pagun nilo galama' ra kaansayan, am kolondo' sangulun pana mampajajou risilo, am ilo pana mampalilian ra nagasaban risilo sabap ra nanumbalik Raki'.

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

GOSIA 12:14

Nanusub Tuhan ra sangulun nabi koson mampalabus ra ulun ru Israil intor ra pangulipanan giu' ra Misir, am koson magalung risilo.

GOSIA 5:11

Raino Israil inimbolo'. Natatakan io ra tana' longgom nano sabap ra mokotog guang nano am nakiindangan intor ra ulun ondo' mailo mangindangan riso.

MIKA 2:6

Ulun nampatanou raki' am mindagu, “Pai' potonowo' ramon. Pai' potonowo' intor ra ngaangai' no. Maaru' lair i Aki Kapuuno' kalo mampakauyu' ritakau.

MIKA 6:13

Ginio ra nakatalimpuun aku noyo mampalamba' am mamuso ramuyun sabap ru tula min.

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.