MIKA 6:13 - Tanou Moonsoi Timugon

¹³ Ginio ra nakatalimpuun aku noyo mampalamba' am mamuso ramuyun sabap ru tula min.

MIKA 6:13 ပူးပေါင်းရင်းမြစ်များ

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JIRIMIA 14:18

Paat ra aku minongoi ra padang, nakakito aku ra baangkai pinatoi ra pangayawan. Paat ra aku minongoi ra bandar, nakakito aku ra ulun matikapatoi ra naitilan. Nabi am imam nampaugar ra kandoi ra kalo mangarati' ra atan ondo' baalon.”

SULABOI 1:13

“Namparatu' Io ra apui intor ra limbowon, apui ondo' nonolob ra inan kuno. Nampaatang Io ra landak raki' am namparatu' raki' ra tana'. Io pana nompoloso boo raki' sangulun naimbolo' ra nonsongorou.

SULABOI 3:11

Nangilou Io raki' saboi aku liminisang ra ralan, am bininsang aku am iniruanan aku.

SULABOI 5:16

Baal ra kaantakan ru guang mai kalio noyo. Raino ukumin akai sabap makatula.

GOSIA 5:9

Mapuso Israil paat ra orou ukuman ra maagu no. Rongog kano, akau ulun ru Israil, baal ragitio maaru' masauk!

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

MIKA 1:9

Pilat ru Samaria kalo mapali', am Jiuda mataki' malumpa' ru kaimbalaan ondo' nogondo'. Kapusaan nakasuku' noyo ra kulobon garabang ru Jirusalim, intok namagunan ru bansa' kuno.”

MIKA 6:16

Baal ragitio masauk sabap minaya' kau ra baal malaat ru Raja' Omri, am anak nano, Raja' Agab. Minaya' kau ra aturan ondo' inaru' nilo. Ginio ra mamuso Aku ramuyun, am ngaangai' ulun magasab ramuyun. Ulun giu' ra ati ayuk intok masisang ramuyun.”

MIKA 7:13

Kaa' tana' ti masauk ra tana' mapua' sabap ra kalaatan ru mamagun nano.

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.