MIKA 6:10 - Tanou Moonsoi Timugon

¹⁰ Giu' ra baloi ru ulun malaat mokoondo' ra rapu' ondo' noowot ra pamparuungan. Nampakai ilo ra tutuku' kalo motopot, rondo' baal ondo' kasisangan Kuno. Ulun ondo' mambaal raginio ukumin Kuno.

MIKA 6:10 ပူးပေါင်းရင်းမြစ်များ

AMSAL 10:2

Amon ru langkaya' kaa' intor ra guang kalo mabanis io kalo magibit ra kaansayan, kaa' kabanisan ru guang mangampin ra kaayagan.

AMSAL 11:1

Masisang Tuhan ra ulun ondo' pakuan no ra timbangan kalo motopot, kaa' maansukan Io ra ulun ondo' motopot pakuan no ra timbangan.

AMSAL 20:10

Masisang Tuhan ra ulun mamparuung ra timbangan am tutuku' ondo' kalo matimpok.

AMSAL 20:23

Timbangan ra kalo matimpok, kasisangin ru Tuhan.

AMSAL 21:6

Kinalangkayaan ra naalap intor ra ralan kalo mabanis guang, sala' ka ayuk kalo mantilayun kaa' maaru' magibit ra kapatayan.

AMOS 3:10

Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

AMOS 3:9

Potonowo' tanou ti ra ulun ondo' minayan giu' ra istana Misir am Asdod, “Timung kano giu' ra bulur-bulur giu' ra liliut ru Samaria, am ilai' kajajawan am niayuk kalaatan ondo' nasauk ra giu'.”

MIKA 6:9

Mapintar noyo ulun ondo' malaa' ra Tuhan. Mampiau Tuhan ra mamagun ru bandar, “Rongogo' noyo, akau ondo' timinimung ra bandar.

JIPANYA 1:9

Ukumin Ku ngaangai' ulun ondo' siminambayang koson ra ulun ondo' kalo nakaulig Raki', am ondo' nantakou am niayuk namatoi koson nompososok ra baloi ru tingganai pangandayan nilo ra kuliamos-kuliamos tinakou.”

JAKARIA 5:6

Nangkuot aku, “Atan kia ginio?” Taam io, “Rondo' bakul. Bakul no tatandu' ru tula ru titikop pagun ti.”

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)