MIKA 5:7 - Tanou Moonsoi Timugon

⁷ Ilo ondo' lakat poyo maayag ra gino ngai' ru bansa'-bansa' ru bokon masauk koson ra singa' ondo' maguyum ra akanon giu' ra kataunan kapoam giu' ra padang ru sakot; siminubol singa' no ra tatanga' ru domba-domba, nansaam am niayuk bibinsango' domba; kolondo' sangulun pana makapamayag ra domba-domba no.

MIKA 5:7 ပူးပေါင်းရင်းမြစ်များ

2 SAMUIL 17:12

Uyumon takau Raja' Daut ra ati ayuk intok nano, am bulunsaron takau io ra kalo poyo makaliman io ra atan ondo' masauk. Kolondo' sangulun pana ondo' makalabus, ioupana io am niayuk ulun-ulun nano.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

MAZMUR 133:3

Baal raginio koson ayuk ra bolobou rasawat ru Gunung Girmon, ondo' rumatu' ra kabuluran Sion. Ra giu' no, Tuhan mapatuun ra barakat Nano, ioginio kaayagan ra kolondo' pupus.

MAZMUR 72:6

Gama' ru raja' koson ra rasam rumatu' ra limayak, koson ra timug ru rasam manimug ra umo.

AMSAL 19:12

Sangit ru raja' koson ra sangal ru singa', kaa' kinoonsoi nano koson ra bolobou mamasa' ra tatanom.

JISAYA 32:15

Kaa' igondo' poyo i Aki Kapuuno' matong ralalom kuasa' Nano. Tana' ra mapua' pana masauk malabung, am umo no mapaingkual ra ampos ondo' masuang.

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JISAYA 55:10

Koson ra rasam rumatu' intor ra limbowon, am kalo sumaguli', kaa' mamasa' ra tana', mapalabung am mapatuu' ra tatanom-tatanom, manaak ra ampos koson palabukon am akanon,

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

YEHEZKIEL 14:22

Amon ru mokoondo' osoi ayuk ondo' makalabus intor ra ukuman no am niayuk makasugut mamayag ra anak-anak nano, ilai' noyo ilo paat ra ilo matong rirun. Ilai' mapara' boo laat nilono am pangintopot no ra ukuman Kuno ra Jirusalim matimpok.

YEHEZKIEL 47:1

Nagibit ungkuyon no raki' sumaguli' ra kulobon subalan ra Baloi ru Tuhan. Nakito ku timug tumilis intor ra ragana' ru kulobon mongoi ra tampilon sirangon, koson ra Baloi ru Tuhan niayuk tumingkuang ra tampilon ra sirangon. Timug no tumilis intor ra ragana' ru guang ru kulobon Baloi ru Tuhan ra tampilon rabugus, mansail ra kiing ru rabugus ru altar.

YEHEZKIEL 5:5

Indagu Tuhan Raja', “Ilai' Jirusalim no! Paayanon Ku bandar no giu' ra pusor ru tana' ti, am pagun-pagun ra bokon giu' ra libung nano.

DANIL 11:32

Mamparuung raja' am makasugut mangambi' ra guang ru ulun ondo' nangiruan ra ugama no, kaa' ulun maamaya' ri Aki Kapuuno' manggal riso.

GOSIA 14:5

Indagu Tuhan, “Ulun Kuno ondo' timinalansiang ibiton Ku saguli'. Tagamin Ku ilo ra sotopot ru guang, sabap ra kalo boo sumangit Aku risilo.

GOSIA 6:3

Ibok pirot takano koson mulig ra Tuhan. Maaru' matong Io ritakau koson ra orou tumawang, am koson ra rasam ondo' mamasa' ra tana' ti bulintok ra mambusak.”

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

MIKA 2:12

Kaa' mampatimung Aku ramuyun, ulun Kuno Israil kau ngai' ondo' lakat poyo maayag. Manimung Aku ramuyun koson ra domba-domba ondo' muli' ra kandang. Koson ra padang ru sakot ondo' nososok ra domba, igondo' poyo pagun min mososok ra ulun.”

MIKA 4:13

Indagu Tuhan, “Mamagun ru Jirusalim kau ngai', ongoyo' ukumi' pantula' min! Mampasauk Aku ramuyun maikang koson ra sapi' ungkuyon ondo' makasangau basi' am makasalindu ra tambaga'. Masuang bansa' pinuso min, am kalangkayaan nilo ondo' naalap ralalom ru kalaatan masauk ra pataakon min Raki', Tuhan ru limbowon am tana' ti.”

MIKA 4:7

Ilo kalo makalulu' am maalur intor ra baloi, kaa' mangani' Aku ra kaluagan bagu risilo ondo' lakat poyo maayag, am masauk ilo ra rondo' bansa' ondo' maayo. Mamarinta Aku risilo intor ra Bulur Sion suku' ra sabuoi-buoi no.”

MIKA 5:3

Pakasuku' panguasa' no, mamarinta io ra mamagun nano mabaya' ra kaikangan am kuasa' intor ra Tuhan, i Aki Kapuuno' galama'. Mamagun nano maayag ra makakaansayan sabap ra ngaangai' bansa' ra tana' ti mangiou ra katulayan nano,

MIKA 5:8

Kalaan ru Israil pantula' nilo am mamuso risilo ngaangai'.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

JAKARIA 14:8

Paat orou raginio, timug ondo' mangani' ra kaayagan tumilis intor ra Jirusalim; sampiruo intor ra timug no tumilis mongoi ra Raat Matoi, am sampiruo poyo tumilis ayuk buoi ru bilor, bulintok tampio am niayuk bulintok rumasam.

JAKARIA 9:13

Pakayon Ku Jiuda koson ra busur ru ulun tutumula', am Israil koson ra anak panah. Pakayon Ku mamagun ru Sion koson ra ilang, koson mangayou ra ulun ru Junani.”

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

RINALATAN 11:15

Paat ra aku timinalimpuun mindagu risilo, Ambiluo ri Aki Kapuuno' pana minatong risilo koson ra nasauk ritakau ragili.

RINALATAN 13:46

Kaa' mulu' piboo i Paulus am i Barnabas makakau' mindagu, konilo, “Akau no galing sotopot no papasabayan ra bala' intor ri Aki Kapuuno' ti. Kaa' kalo inapu min am pangkaraan min poyo ra kalo noyo maaya' kau mokoowot ra kaayagan motopot am mantilayun ti. Ginio sabap ra akau iruanin mai am mongoi akai poyo ra ulun sala' ka Jaudi.

RINALATAN 16:9

Rondom ragili, nakakito i Paulus ra pagilangan; mokoondo' sangulun Makidonia minigor ra saang nali am mangkimait, kono, “Sandaup kano ra giti am indangano' akai!”

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 10:20

Makakau' poyo i nabi Jisaya mindagu, “Gitio noyo kon ri Aki Kapuuno', ‘Matuum Aku ru ulun ondo' kalo maguyum Raki', am tumalang Aku ra ulun ondo' kalo mangkuot Raki'.’ ”

ROMA 11:12

Sabap ra tula ru ulun ru Jaudi no ulun-ulun ru tana' ti binarakat ri Aki Kapuuno', am sabap ra pangintapatan ru ulun ru Jaudi malawo, barakat ra ulun sala' ka Jaudi mauli'. Amon ru koson poyo raginio, mulu' poyo barakat ri Aki Kapuuno' ra ulun ru Jaudi no paat ra ilo ngai' sumaguli' Riso.

ROMA 9:30

Gitio noyo arati' ru raguon mai; ulun sala' ka Jaudi ondo' kalo mirot mobonsoi saguli' ri Aki Kapuuno', ilo noyo pinobonsoi saguli' ri Aki Kapuuno' ralalom ru pangintapatan nilo Riso.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

SAGULION 32:2

Pangilaan kuno rumatu' koson ra timug ru rasam, am masauk koson ra bolobou rasawat ru tana'. Ragu ku rumatu' koson ra rasam ondo' manguas ra tatanom mamulok, am koson ra rasam manulabuk ondo' rumatu' ra ralimbou ru sakot.

TINGGANAI RU BANSA' 6:36

Indagu boo i Gidion ri Aki Kapuuno', “Minindagu Kou noyo ra mamakai Kou raki' koson mapalabus ra ulun ru Israil.