MIKA 5:5 - Tanou Moonsoi Timugon

⁵ Mabaya' ra kaikangan ru kinandoi mangayou, kalaan nilo Asyur, tana' ru Nimrod, am mamayag ilo ritakau intor ra pamulunsaran ru ulun ru Asyur paat ilo namulunsar ra wilayah takau.

MIKA 5:5 ပူးပေါင်းရင်းမြစ်များ

AYUP 5:19

Amon karaat makapatoi rirun, masalok Io mamayag rirun.

MAZMUR 72:7

Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

AMSAL 30:18

Mokoondo' apat baal ondo' mapagon kaga' aration kuno:

AMSAL 30:29

Mokoondo' apat salinut bibiag makito ra maikang bulintok ra mugar:

AMSAL 6:16

Mokoondo' tulu' baal kasisangin ru Tuhan am kalo polosoon Nano: paliso ra malilimbau, kabang ra magabau, kalindu' ra namatoi ra ulun ondo' kolondo' sala, Pangkaraan ondo' mangatang ra baal-baal malaat, kalayam maringkaagou mongoi ra kalaatan, sasi' ondo' rayusin no abau am ulun ondo' mangkinibit ra pansasangaran ru rangan.

MAMPATANOU 11:2

Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

JISAYA 14:25

Pusoon Ku ulun ru Asyur giu' ra Israil pagun Kuno, am manginginjang risilo intor ra rasawat ru gunung-gunung Kuno. Palabuson Ku ulun Kuno intor ra pangimbalaan ru ulun ru Asyur am intor ra kapaganan nilono.

JISAYA 44:28

Mindagu Aku ri Koris, ‘Okou noyo mamarinta ra bala Raki'; am mamatas sumugut ra kasagaan Kuno: okou noyo manaak ra panusuban koson mambaal saguli' ra Jirusalim, am koson mapatanom ra lugu' ru Baloi Kuno.’ ”

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 65:8

Mindagu Tuhan, “Kolondo' osoi pana mamatir ra kawa' ru anggur ra moonsoi, kaa' baalon nilo ra wain. Aku pana kalo mamuso ra ngaangai' ulun Kuno; bayagon Ku ilo ondo' mangandoi ayuk Raki'.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 33:15

Paat raginio pilion Ku sangulun ondo' matimpok intor ra papag ri Daut koson masauk ra raja'. Mambaal raja' no ra atan ondo' motopot am matimpok giu' ra titikop pagun.

AMOS 1:3

Indagu Tuhan, “Mamagun ru Damsyik ruruli' noyo makatula, ginio ra maaru' ukumin Ku ilo. Pamakuan nilo ra ulun Giliad malaat kaga'.

AMOS 1:6

Indagu Tuhan, “Mamagun ru Gaja ruruli' noyo makatula, ginio ra maaru' ukumin Ku ilo. Rinakop nilo noyo ngaangai' ulun intor ra rondo' bansa', am nantalan ra bansa' no koson ra ulun inulipon ra ulun ru Idom.

JAKARIA 10:11

Paat ra ilo lumaup ra raat ru kapaganan, Aku, Tuhan mampalamba' ra kinulun ondo' mangimbolo', saboi Sungoi Nil pana mapua' kalingon. Ulun ru Asyur ondo' lumimbau mampainggana' ra guang, am Misir ondo' maikang kaga' matatakan ra kuasa'.

JAKARIA 10:3

Indagu Tuhan, “Sumangit Aku ra ulun bansa' ra bokon ondo' mamarinta ra ulun Kuno. Ukumin Ku ilo. Mamagun ru Jiuda longgom Kuno, am Aku, Tuhan Ondo' Maayo Kaga' Kuasa' magalung risilo. Masauk ilo ra kuda ru mangayou Kuno ondo' maikang.

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

JAKARIA 9:10

Indagu Tuhan, “Patirin Ku kurita' kuda intor ra Israil, am niayuk kuda giu' ra Jirusalim; busur ondo' pinakai ralalom pangayawan pusoon. Raja' min makimobonsoi ra gino ngai' ru bansa'; pamarintaan nano malangka' intor ra raat saboi ra raat, intor ra Sungoi Iprat saboi ra pompor ru tana' ti.”

JAKARIA 9:13

Pakayon Ku Jiuda koson ra busur ru ulun tutumula', am Israil koson ra anak panah. Pakayon Ku mamagun ru Sion koson ra ilang, koson mangayou ra ulun ru Junani.”

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 19:14

Masuang saujor ru suruga' siminunu' Riso ra nanangkuda ilo ra kuda mapulak am nambayang ra linon kopoyo ondo' mapulak.