MIKA 5:4 - Tanou Moonsoi Timugon

⁴ am mamparatong io ra kaansayan. Paat ra ulun ru Asyur namulunsar ra pagun takau am namandak ra pangampin takau, nanusub takau ra tingganai-tingganai ondo' maikang kaga' koson gumula' risilo.

MIKA 5:4 ပူးပေါင်းရင်းမြစ်များ

MAZMUR 145:12

maa' raginio ngaangai' ulun makapandai ra binaal Muno am kuasa' Muno, am pamarintaan Muno ondo' matulai am makaantak.

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

MAZMUR 72:8

Karajaan nano liminangka' intor ra raat mongoi ra raat, intor ra sungoi Iprat saboi ra pompor ru tana'.

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

MAZMUR 98:3

Suguton No bantu' Nano ra ulun ru Israil, ulun Nano ralalom ru katagaman am gagaya' Nano risilo. Ngaangai' bansa' ra titikop ru tana' ti nakakito noyo ra kamanangan ri Aki Kapuuno' takau.

KAINGKUALAN 23:21

Iningo' noyo am gagayaa' io. Pai' guor riso sabap ra io no sinusub Kuno. Kalo mangampun io ra guor koson raginio.

JISAYA 45:22

“Akau ngaangai' namagun ru tana' ti, saguli' kano Raki' maa' raginio bayagon kau, sabap ra Aku ayuk i Aki Kapuuno', kolondo' bokon!

JISAYA 49:5

Ra kalo poyo naanak, piniau aku noyo ru Tuhan masauk ra ulipon Nano, koson mapalulur ra ulun ru Israil, maa' raginio sumaguli' ilo Riso. Tuhan napasauk raki' urumaton toojo. I Aki Kapuuno' noyo kaikangan kuno.

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JISAYA 52:13

Indagu Tuhan, “Sotopot no, ulipon Kuno makaampos; omporon io am urumaton.

JISAYA 8:7

Aku, Tuhan, mamparatong ra raja' ru Asyur am ngaangai' saujor nano koson mangayou ra Jiuda. Jumalai ilo koson ra liur intor ra Sungoi Iprat ondo' lumuab-luab am masakob tobo nano.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

JAKARIA 9:10

Indagu Tuhan, “Patirin Ku kurita' kuda intor ra Israil, am niayuk kuda giu' ra Jirusalim; busur ondo' pinakai ralalom pangayawan pusoon. Raja' min makimobonsoi ra gino ngai' ru bansa'; pamarintaan nano malangka' intor ra raat saboi ra raat, intor ra Sungoi Iprat saboi ra pompor ru tana' ti.”

MALIAKI 1:5

Bansa' ru Israil makakito galama' ra kasaukan raginio, am mindagu, “Totopot Tuhan makakuasa'; kuasa' Nano saboi giu' ra liwar ru pagun Israil!”

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

LUKAS 1:32

Masauk Io ra sangulun ondo' maatang kaga' am Io ti sabiton Anak ru Tuhan Ondo' Masawat Kaga'. Saukon Io ri Aki Kapuuno' ra sangulun raja', koson ra kinamatuaan Nali, i raja' Daut.

JUANIS 10:38

Kaa' amon ru baalon Ku, am kalo mangintopot kau ra ragu Kutu, pangintopot kano Raki' ra binaal Kuli. Bagu no makapandai am makarati' kau ra i Ama' masimpung Raki', am Aku pana masimpung ri Ama'.”

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”