MIKA 5:2 - Tanou Moonsoi Timugon

² Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MIKA 5:2 ပူးပေါင်းရင်းမြစ်များ

KASAUKAN 35:16

I Jakub am ulun nano pana nangiruan ra Bitil no. Paat ra ilo lakat poyo maalur intor ra Iprat, nasaboi noyo paat ri Ragil no maganak kaa' mapagon io kaga' malibasan.

KASAUKAN 35:19

Kopongo i Ragil minatoi, lobongo' io ra kiing ru ralan mongoi ra Iprat, raino intok raginio mauligan ra Bitligim.

KASAUKAN 48:7

Binaal ku gitio sabap ra ina' muli i Ragil. Tatanga' pangkiralanan kuno muli' intor ra bandar Misopotamia, ina' muli minatoi ra tana' ru Kanaan ondo' kalo maalur intor ra Iprata, mangiluk kaga' guang kuno. Linobong ku io giu' ra kiing ru ralan mongoi ra bandar Iprat.” (Raino Iprat mauligan ra Bitligim.)

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

1 TUNUNG RU BANSA' ISRAIL 2:54

I Salma, ondo' nambaal ra bandar Bitligim noyo kinamatuaan ru ulun ru Nitopa, ulun ru Atarot-Bit-Joab am ulun ru Jori, iono rondo' intor ra ruo bansa' ondo' minayan giu' ra Managti. (

1 TUNUNG RU BANSA' ISRAIL 5:2

Kabalu' pana raginio, bansa' ru Jiuda nasauk ra bansa' ondo' maikang kaga', am intor ra bansa' raginio sangulun nasauk ra mamarinta ra titikop ru bansa' ru Israil.)

MAZMUR 132:6

Giu' ra Bitligim naining takau ragu koson ra Kaban Nabantuan, am najampa' giu' ra limayak Jaar.

MAZMUR 90:2

Kalo poyo sinauk Mu ngaangai' bulur, kalo poyo binangun Mu tana' ti, Okou noyo i Aki Kapuuno' ra mantilayun, i Aki Kapuuno' ra sabuoi-buoi no.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 18:25

Nampili' i Musa ra kukula' ngaulun ungkuyon ondo' mapintar ra popolos ru ulun ru Israil, am nampalantik risilo ra tingganai ondo' maningganai ra saribu ngaulun, maatus ngaulun, limo ngoopor ngaulun am mopor ngaulun.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 53:2

Kasaga' ru Tuhan ulipon Nano gumayo koson ra samul ondo' tumuu' giu' ra tana' mapua'. Kolondo' makaantak paat ra ilain; kolondo' makabunduk koson ra kasagain.

JISAYA 55:4

Sotopot no, sinauk Ku io ra tingganai am panglima, sasi' intor ra kuasa' Kuno ra bansa'-bansa'.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

GOSIA 6:3

Ibok pirot takano koson mulig ra Tuhan. Maaru' matong Io ritakau koson ra orou tumawang, am koson ra rasam ondo' mamasa' ra tana' ti bulintok ra mambusak.”

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

MIKA 4:10

Mamagun ru Jirusalim kau ngai', pambilor am pampalaa kano koson ra ruandu' ondo' tatanga' maganak, sabap raino mangiruan kau kalalaat ra bandar ti am mayan giu' ra padang. Mongoi kau kalalaat ra Babil, kaa' giu' no Tuhan mamayag ramuyun intor ra pantula'.

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 2:1

I Jisus inanak giu' ra pekan Bitligim ra pagun ru Judia paat ra Irodis nasauk ra raja'. Kalo boo nabuoi ragili, kukula' ngaulun magugulig ra butitin riminatong intor ra Sirangon mongoi ra Jirusalim

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

LUKAS 23:2

Uwin nilo i Jisus ra giu' i, konilo, “Narampatan mai ulun ti nampakalayau ra bansa' mai. Nanusub Io ra ulun masuang kalo mambayar ra cukai ra Kaisar, am migiangku ra Io no i Kristus, ioginio raja'.”

LUKAS 23:38

Ra rasawat ru salip i makatinulisan, “Gitio noyo Raja' ru Ulun ru Jaudi.”

JUANIS 7:42

Tinulisan noyo ra Buuk Kitab ra: ‘Mamamayag ondo' sinusub ri Aki Kapuuno' intor ra papag ri Daut, am intor Io ra pamagunan Bitligim, intok ri Daut ragili.’ ”

SAGULION 1:15

Ginio ra nampili' aku ra kukula' ngaulun ondo' mapintar toojo am makanailian, ondo' pinili' min noyo intor ra moonong bansa' maa' raginio masauk ra tingganai min. Mokoondo' kukula' ngaulun risilo ondo' pinalansan saribu ngaulun, ondo' bokon no maatus ngaulun, ra limo ngoopor ngaulun, am niayuk ra mopor ngaulun. Nampili' aku niayuk ra pagawai-pagawai ra bokon ra gino ngai' ru bansa' min.

KOLOSI 1:17

I Jisus Kristus noyo nakasigulu soroi intor ra ngaangai' no am sabap Riso ngaangai' posoroyon ra intok nilo sigagama'.

IBRANI 13:8

I Jisus Kristus kalo makulau, intor ra galing i, raino am ra sabuoi-buoi no.

1 JUANIS 1:1

Manulis akai ramuyun intor ra Ragu ru Tuhan ondo' mangani' ra kaayagan. Ragu ru Tuhan mokoondo' noyo intor ra talimpuun i. Norongog am nakito mai noyo galama' am naguut ru kalindu' mai.

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.

PINAINTALANG 2:8

“Tulisi' koson ragitio ra malaikat ru pasimpungan ulun Kristian ra bandar Simirna: Gitio noyo bilin intor Riso ondo' talimpuun am pupus, ondo' minatoi am naayag saguli'.

PINAINTALANG 21:6

Indagu Io, “Nopongo noyo. Aku noyo talimpuun am pupus; Aku noyo kasaa' am pangayaan. Osoi ayuk pinaason, aniin Ku io ra inumon ra kalo kilagain intor ra taur ru timug mampakaayag.

TINGGANAI RU BANSA' 17:7

Paat raginio niayuk mokoondo' sangulun ungkuyon mamulok intor ra bansa' ru Liwi. Galing i minayan io giu' ra bandar Bitligim giu' ra wilayah Jiuda.

RUT 1:1

Galing i ra kalo poyo ulun ru Israil makaraja', makabitilan nasauk giu' ra tana' ru Kanaan. Naintuma' ragili mokoondo' sangulun ungkuyon ininggalanan ri Ilimilik. Io intor ra bansa' ru Iprata, am minayan giu' ra Bitligim ra libung Jiuda. Sabap ra bitilan no, ongoi io ra pagun Moab nabaya' ra andu' nano i Naomi, am poyo ruo ngaulun anak ungkuyon nano, i Maglon am i Kilion. Minayan ilo ra Moab ra buoi. Buoi nilo ra giu',

RUT 4:11

Ngaangai' tingganai ru bandar am niayuk ngaangai' ru ulun soroi ra giu' i, mindagu, “Ba iou, akai no sasi'. Gama' ru Tuhan mapasauk ra andu' muno koson ri Ragil am i Liya, ondo' naganak ra masuang anak ri Jakub. Gama' ru masauk kau langkaya' ra popolos ru bansa' ru Iprata am mauligan kaga' giu' ra Bitligim.

1 SAMUIL 10:19

Aku noyo i Aki Kapuuno' min ondo' napalabus ramuyun intor ra ngaangai' kaimbalaan am kapaganan. Kaa' raino nangimpai kau Raki', i Aki Kapuuno' min, sabap ra nakipili' kau Raki' ra sangulun raja' min. Iou noyo, timung kano ra saang Kutu, Tuhan min, lumili' maya' ra bansa' mino.’ ”

1 SAMUIL 17:12

I Daut anak ri Isai, ulun ru Iprata intor ra Bitligim giu' ra Jiuda. I Isai mokoondo' ra balu' ngaulun anak ungkuyon am paat ra pamarintaan ru Raja' Saul, i Isai ti matutuo noyo kaga'.

1 SAMUIL 17:18

Ibito' niayuk mopor kiju ra tayar ru komandan ru pulalai. Kuati' noyo ra ati kulaan boo ra maayo-maayo muno. Ibito' noyo rorondo' koson mapainono' ra okou nakatuum noyo risilo, am ilo no naayag.

1 SAMUIL 23:23

Ilai' min toojo intok-intok ondo' nasauk ra pansibunian nano, am kataki' kau saguli' mambala' raginio raki'. Ongoyon ku boo mabaya' ramuyun. Amon ru lakat io poyo soroi ra intok raginio, maaru' sunuon ku io kabalu' pana ra musiti' aku lumiput ra titikop ru Jiuda.”

1 SAMUIL 8:12

Mokoondo' ondo' pasaukon ra tingganai ru pulalai ra saribu ngaulun saujor, am mokoondo' poyo tingganai ru pulalai ra limo ngoopor ngaulun saujor. Jajalin ru raja' no anak ungkuyon mino maparagus ra umo nano, mangkumos ra ampos ru tinanom nano, am mambaal ra kinandoi am niayuk kuliamos ra tayar ru kurita' kuda ru raja'.