MIKA 5:13 - Tanou Moonsoi Timugon

¹³ Tuyason ku ngaangai' sinungkalalaing Dewi Asyira giu' ra pagun min am pusoon Ku bandar-bandar min.

MIKA 5:13 ပူးပေါင်းရင်းမြစ်များ

JISAYA 2:8

Pagun nilono nososok ra sinungkalalaing, am sambaan nilo sinungkalalaing ra binaal nilo galama'.

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

YEHEZKIEL 16:41

Solobon nilo baloi-baloi muno am mompoloso ra ruandu'-ruandu' makakito ra okou ukumin. Langgain Ku binaal muno ra mantalan ra inan no. Kalo boo mangani' Kou ra tangguang ra kubayau-kubayau muno.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

YEHEZKIEL 37:23

Kalo boo jamalin nilo inan nilo ra sumamba ra sinungkalalaing ondo' makauyuyu' kapoam mambaal ra tula. Palabuson Ku ilo intor ra ngaangai' ondo' mangkinibit risilo makatula am manumbalik Raki'. Kapasawon Ku ilo; masauk ilo boo ra ulun Kuno, am masauk Aku boo ri Aki Kapuuno' nilo.

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

GOSIA 10:2

Guang nilo natikop ra ruung am raino ilo musiti' maimbolo' kinibit ru tula nilo. Lunsayon ri Aki Kapuuno' altar-altar nilo am mampagaba' ra batu-batu sambaan nilo.

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

NAGUM 1:14

Gitio noyo ondo' inaru' ru Tuhan intor ra Asyur, “Kolondo' ilo ra papag koson mamparayus ra bansa' nilo. Tutukon Ku sinungkalalaing ondo' giu' ralalom ru kuil-kuil ru dewa nilo. Tatanga' Ku baalon kalalair lobong ra tayar ru ulun ru Asyur, kalo maaya' ilo maayag!”

JIPANYA 1:4

“Ukumin Ku mamagun ru Jirusalim am mamagun ru titikop Jiuda. Saliiron Ku ondo' natatang ra sumamba ra Baal intor ra intok-intok raginio. Imam-imam ondo' mangandoi ayuk ra Baal lilianin ra malingon.

JAKARIA 13:2

Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.

TINGGANAI RU BANSA' 18:17

Kalimo-limo ngaulun pansigo no narayus minumpos ra baloi, am nangalap ra sinungkalalaing intor ra tataun ondo' inangkupan ra pirok no, sinungkalalaing ra bokon am efod. Tatanga' ungkuyon mamulok ru Liwi no migor nababaya' ra onom ngaatus ngaulun saujor no giu' ra kulobon garabang.