MIKA 5:1 - Tanou Moonsoi Timugon

¹ Indagu Tuhan, “Okou Bitligim Iprata, okou rorondo' bandar ondo' boborok kaga' giu' ra pagun ru Jiuda, kaa' intor rirun aniin Ku Israil ra sangulun panguasa'; intor ru kinamatuaan nano timinalimpuun intor ra galing i ayuk poyo.”

MIKA 5:1 ပူးပေါင်းရင်းမြစ်များ

KASAUKAN 35:19

Kopongo i Ragil minatoi, lobongo' io ra kiing ru ralan mongoi ra Iprat, raino intok raginio mauligan ra Bitligim.

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

1 RAJA'-RAJA' 22:24

Inggaar Nabi Jidikia ri Mika, nampalapis ra pingas nano, am pangkuot, “Intor ra sanggilan kia Ambiluo ru Tuhan no nangiruan raki' am indagu rirun?”

2 RAJA'-RAJA' 24:2

Nangator Tuhan ra pulalai ru ulun malaat makakinandoi intor ra Babilonia, Siria, Moab am Amon koson manggal ra Raja' Joyakim am niayuk namuso ra Jiuda. Baal raginio noyo ondo' rinagu ru Tuhan ondo' pinabala' galing ra nabi-nabi Nano.

AYUP 16:10

Magasab ulun raki'; manguup ilo raki' am mampalapis ra bulos kuno.

AMSAL 8:23

Aku pagulu binangun, ra kalo poyo binangun tana' ti.

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 8:9

Pantitimung kano ra malaa', alii ra ngaangai' bansa'! Rongogo' noyo, alii ra intok-intok ra maalur. Tampos kano koson mangayou, kaa' kalaa' kano! Iou, tampos kano, kaa' ra guang malaa'!

JISAYA 9:5

Sangulun anak inanak ra tayar takau! Sangulun anak ungkuyon pinataak ritakau! Masauk Io ra tingganai takau. Pampiawan Riso no “Mamiminson ra mapintar”, “Aki Kapuuno' ra Matulai”, “Ama' ra Mantilayun”, “Raja' Pababansayan”.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

SULABOI 3:30

Kabalu' pana linamba' am inasaban, musiti' takau mangapu ra ngaangai' no.

YEHEZKIEL 21:32

Mapuso kau akanon ru apui. Raraa' min malayak giu' ra pagun min galama'. Kolondo' osoi pana boo makakara' ramuyun.’ ” Tuhan nakaindagu noyo.

YEHEZKIEL 24:2

“Okou ulun mapandai matoi, tulisi' orou bulan ra orou raiti', sabap ra orou raiti' noyo raja' ru Babilonia tumalimpuun magawang ra Jirusalim.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

JOIL 3:9

Potonowo' baal ragitio ra bansa'-bansa', ‘Tampos kano koson mantula', piawo' ulun-ulun tutumula' min; timungo' ngaangai' saujor, am jalog kano!

AMOS 2:3

Potoyon Ku ulun manguasa' ru Moab am ngaangai' pagawai ru pamarinta ra giu' no.”

ABAKUK 1:6

Rongog kano! Pasaukon Ku ulun Babilonia makakuasa', bansa' ondo' masangit am makuliga'. Mongoi ilo ra titikop ru tana' koson manguasa' ra pagun ra bokon.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

MATIUS 26:67

Taam ilo, “Io ti makasala, musiti' potoyon.” Tiwagi' nilo boo bulos ri Jisus am lambaa' am ulun ondo' nampalapis Riso no

MATIUS 27:30

Tiwagi' nilo am alapo' nilo tataun no am palambaa' ra ulu ri Jisus.

MATIUS 5:39

Kaa' raino ti balain takamin: Pai' noyo balasi' ulun ondo' makasala rirun. Amon ru lapison ru sangulun pingas muno ra pamiris no polosoo' io niayuk mampalapis ra pingas muno ra kait no.

JUANIS 18:22

Karagu ginio ri Jisus, sangulun pulis ra giu' i nampalapis ra pingas Nali, am indagu, “Ginio kia tataam Muno ra Tingganai Maayo Imam?”

JUANIS 19:3

Nampapalit ilo boo mongoi inggaar Riso am indagu, “Tabi', raja' ru ulun ru Jaudi.” Mopongo ragili lapison nilo pingas Nali.

RINALATAN 23:2

Kaining ayuk ragu raginii ri Ananias, Tingganai Maayo Imam Jaudi, susubo' no ulun ondo' nakainggaar i nampalapis ra kabang ri Paulus.

2 KORINTUS 11:20

Polosoon min ilo mangulipon, mangingkaut, mamparuung, magasab am mampakauyu' ramuyun.

SAGULION 28:49

Maparatong Tuhan ra rondo' bansa' intor ra pompor ru tana' koson gumula' ramuyun, bansa' ondo' ragu nano kalo maratian min. Koson ra kanui, manumbit ilo ramuyun.

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.

TINGGANAI RU BANSA' 17:7

Paat raginio niayuk mokoondo' sangulun ungkuyon mamulok intor ra bansa' ru Liwi. Galing i minayan io giu' ra bandar Bitligim giu' ra wilayah Jiuda.