MIKA 4:9 - Tanou Moonsoi Timugon

⁹ Kua najanjayan tangi' muno? Kua marualan kou koson ra ruandu' ondo' maganak? Sabap nati nua' okou kolondo' raja', am ulun-ulun mambilin muli minatoi noyo?

MIKA 4:9 ပူးပေါင်းရင်းမြစ်များ

JISAYA 13:8

Mangalaa' ilo am marualan koson ra ruandu' maganak, mototontong ilo ra guang malaa', am bulos nilono malia' sabap mauyu'.

JISAYA 21:3

Atan ondo' nakito kuno am norongog ralalom pinaintalang raki' makalalaa' am makaruol toojo; karualan raginio koson ra ruandu' maganak.

JISAYA 26:17

Iou Tuhan, Okou nangkinibit ramon giminolok marualan koson ra sangulun ruandu' maganak.

JIRIMIA 22:23

Mayan kau ra kaansayan sabap ra liniputan ru lugu'-lugu' sidar ru Libanon, kaa' paat ra akau marualan, maimbolo' kau koson ra ruandu' ondo' maganak.”

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 4:21

Saboi sanggilan kia musiti' aku magilong ra kinoporos ru pangayawan, am rumongog ra bolos ru bujung ondo' makalanit ra talingo?

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 48:41

Bandar-bandar am kubu-kubu gaawon. Paat orou raginio saujor-saujor ru Moab mangalaa' koson ra ruandu' tatanga' maganak.

JIRIMIA 50:43

Raja' ru Babilonia nokorongog ra tanou no, am liminawo. Magalabo guang nano, am maimbolo' koson ra ruandu' ondo' tatanga' maganak.

JIRIMIA 8:19

Rongog no! Giu' ra titikop pagun morongog ku bansa' kutu mampalaa, “Kolondo' kia boo Tuhan giu' ra Sion? Ati kia raja' ru Sion raino?” Taam Tuhan, raja' nilo, “Kua singkualo' min sangit Kuno? Sumangit Aku sabap ra sinamba min sinungkalalaing min am kumuku' samba ra dewa-dewa ru bansa' bokon ondo' kolondo' noyo toojo onong.”

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

GOSIA 10:3

Kalo boo mabuoi mindagu ilo, “Kolondo' raja' takau sabap ra kalo malaa' takau ra Tuhan. Atan onong ru sangulun raja' ritakau?”

GOSIA 13:13

Israil mokoondo' ra kaluagan koson maayag, kaa' Israil sasambungon kaga' saboi kalo pinakai kaluagan raginio. Israil koson ra lalagang ondo' mamaar anakon kaa' marara' mingkual intor ra binunakan ru ina'.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

MIKA 5:3

Pakasuku' panguasa' no, mamarinta io ra mamagun nano mabaya' ra kaikangan am kuasa' intor ra Tuhan, i Aki Kapuuno' galama'. Mamagun nano maayag ra makakaansayan sabap ra ngaangai' bansa' ra tana' ti mangiou ra katulayan nano,

JUANIS 16:21

Paat ra sangulun ruandu' matipaganak, magalabo io sabap ra masaboi noyo maruol ru maganak nano. Kaa' maanak no ayuk lalagang no, maansukan io am kalo boo makara' no maruol nali sabap ra sangulun lalagang inanak noyo ra tana' ti.

PINAINTALANG 12:2

Ruandu' no maapang am mompogolok sabap ra matipaganak noyo.