MIKA 4:8 - Tanou Moonsoi Timugon

⁸ Okou Jirusalim, intok ri Aki Kapuuno' mantamung ra ulun Nano koson sangulun magagalung, sumaguli' ra pusor bandar ru pamarintaan muno koson ragili.

MIKA 4:8 ပူးပေါင်းရင်းမြစ်များ

KASAUKAN 35:21

Paginjul poyo i Jakub am panangkim ra sandaup ru manara Idir.

2 SAMUIL 5:7

Kaa' totopot Raja' Daut nakagaau ra Sion kubu pangampinan nilo. Intor raginio kubu no ininggalanan ra “Bandar Daut.”)

NIGIMIA 3:25

I Palal anak ri Ujai nambaal ra tayar ru timbok ra tunggul no, tumalimpuun intor ra pisuk ru timbok am manara ru istana tampilon rasawat, mamaar ra liliut ru magagalung; I Pidaya anak ri Paros nambaal ra tayar ru timbok ra tunggul no, saboi ra rondo' intok giu' ra saang ru Kulobon Garabang Timug tampilon ra sirangon, am manara pagalungan ra Baloi ru Tuhan. (Kalo maalur ra giu' no mokoondo' intok ondo' ininggalanan ra Opil, intok inayanan ru ulun-ulun mangandoi ra Baloi ru Tuhan.)

MAZMUR 24:7

Ukabo' noyo kapilaa' kulobon ru garabang lair, Raja' ra matulai no sumubol!

MAZMUR 48:3

Sion, bulur ri Aki Kapuuno', masawat am maantak; bandar ru Raja' ondo' matulai mapabansuk ra titikop ru tana' ti!

MAZMUR 61:3

Intor ra pagun ra maalur piawon Tokou, sabap ra kolondo' boo kalansanan. Ibito' aku no ra intok ondo' sindungan ra kalo makalalaa',

RIMBAI PANGAMPARAN 4:4

Liog muno koson ra manara ri Daut, ondo' binaal nangkukulaup, sisigot muno koson ra saribu gagampin ru ulun tutumula' baani.

JISAYA 1:26

Aniin Takamin ra sangulun tingganai am ulun maminson koson ra galing i ayuk poyo. Bagu no Jirusalim no sabiton ra bandar ondo' matimpok am gumagaya'.”

JISAYA 10:32

Orou raiti' pantula' siminoroi ra bandar Nob; giu' no gonggomon nilo palar tumingkuang ra Bulur Sion, mongoi ra bandar Jirusalim.

JISAYA 5:2

Manangkul io ra tana' nano am mamatir ra batu-batu nano; mantanom io ra anggur napili', am nambaal io ra manara pantamungan. Mangkali io ra rondo' luang koson pamagaan ra kawa' ru anggur nano. Io pana mantamung saboi kawa' ru anggur maansak, kaa' moonong kawa' no mataris.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 7:18

Kaa' ulun ri Aki Kapuuno' Ondo' Masawat Kaga' mangapu ra kuasa' koson mamarinta ra sabubuoi no.”

OBAJA 1:21

Ulun ru Jirusalim ondo' nakasugut mamulunsar ra Idom am kuasaan no ginio. Tuhan galama' mamarinta koson ra raja'.”

MIKA 2:12

Kaa' mampatimung Aku ramuyun, ulun Kuno Israil kau ngai' ondo' lakat poyo maayag. Manimung Aku ramuyun koson ra domba-domba ondo' muli' ra kandang. Koson ra padang ru sakot ondo' nososok ra domba, igondo' poyo pagun min mososok ra ulun.”

JAKARIA 9:10

Indagu Tuhan, “Patirin Ku kurita' kuda intor ra Israil, am niayuk kuda giu' ra Jirusalim; busur ondo' pinakai ralalom pangayawan pusoon. Raja' min makimobonsoi ra gino ngai' ru bansa'; pamarintaan nano malangka' intor ra raat saboi ra raat, intor ra Sungoi Iprat saboi ra pompor ru tana' ti.”

JAKARIA 9:12

Uli' kano, akau ulun pinatiran, raino makakalansanan kau; uli' kano ra intok sindungan min. Balain Takamin raino, ra barakaton Takamin induo ruli' no ra ngaangai' kaimbalaan ondo' nauma' min.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

UNTABAN 24:19

Manginginjang bansa' ru Israil no risilo, am mamuso ra ngaangai' pantula' ondo' lakat poyo maayag.”

MATIUS 21:33

“Rongogo' poyo rondo' abig ragitio,” ragu ri Jisus. “Mokoondo' sangulun langkaya' ondo' nantanom ra umo ru anggur. Liputo' no ra insor am pangkali io ra rondo' luang ra batu maayo, pamagaan ra anggur am niayuk nambaal io ra manara masawat pagimpalan. Pasiwai' no boo umo ru anggur i ra kukula' ngaulun, am ongoi io ra pagun ru bokon.

MARKUS 12:1

Tumalimpuun boo i Jisus mantunung ra abig ra tingganai imam Jaudi, mangingila' ra Ukum ri Musa am tingganai ru ulun ru Jaudi. Indagu i Jisus, “Mokoondo' sangulun ungkuyon nanangumo ra anggur, pagaro' no umo i. Kopongo ragili, pangkali io ra rondo' luang ra batu maayo, pamagaan ra anggur, am pambaal io ra manara masawat pagimpalan. Umo nali pana pasiwai' ra ulun bokon am ongoi io ra pagun ru bokon.

IPISUS 1:21

Giu' no i Kristus manguasa' ra ngaangai' mamarinta, tingganai, mangunguasa', kaikangan am tuan-tuan. Kuasa' Nati maayo kaga' ka atan ayuk soroi ra raino ti kapoam niayuk ra matong no.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.