MIKA 4:5 - Tanou Moonsoi Timugon

⁵ Moonong bansa' sumamba am gumagaya' ra dewa nilo galama', kaa' itakau sumamba am gumagaya' ra Tuhan, i Aki Kapuuno' takau ra sabuoi-buoi no.

MIKA 4:5 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

2 RAJA'-RAJA' 17:29

Kaa' mamagun ru Samaria lakat poyo mambaal ra sinungkalalaing nilo galama', am pinaayan nilo sinungkalalaing no giu' ra kuil-kuil ondo' binaal ru ulun ru Israil. Moonong ulun nambaal ra sinungkalalaing ru sigagama':

2 RAJA'-RAJA' 17:34

Saboi raino lakat poyo maya' ilo ra kaulayan lair nilono. Kalo sumamba ilo ra Tuhan kapoam gumagaya' ra ukum am susuban ondo' tinaakan Nano ra papag ri Jakub, ondo' ininggalanan Nano ri Israil.

MAZMUR 20:6

Akai pana magilakup ra okou namanang, am mangantak ra namanangan muno ra mongompor ri Aki Kapuuno' takau. Gama' iowon ru Tuhan no nansalinut kitaakon muno.

MAZMUR 48:14

imansaa' min timbok am urioo' kubu ru bandar no, maa' raginio maalap min katunung ra anak-anak bagu ra matong ti

MAZMUR 71:16

Omporon ku binaal Muno ondo' kolondo' mokogondo', iou Tuhan Raja', potonowon ku kinoonsoi Muno, kinoonsoi Muno ayuk.

JISAYA 2:5

Alii ra papag ri Jakub, ugar takau ralalom sinda ru Tuhan!

JISAYA 26:13

Iou Tuhan, i Aki kapuuno' mai, nakaili' akai kinuasa' ru ulun bokon, kaa' Okou ayuk Tuhan mai.

JISAYA 26:8

Sumugut akai ra kasagaan Muno am lumansan Rirun; Okou ayuk kaandaman mai.

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

JAKARIA 10:12

Kaikangon Ku ulun Kuno; sumambayang ilo am gumagaya' Raki'.” Tuhan nakaindagu noyo.

RINALATAN 14:16

Galing i pinoloso ri Aki Kapuuno' ngaangai' bansa' maayag maya' ra kasagaan nilo sigagama'.

SAGULION 27:10

Ginio ra gagayaa' noyo Tuhan i Aki Kapuuno' min am baalo' noyo ngaangai' susuban Nano ondo' taakin kuno ramuyun ra orou raiti'.”

KOLOSI 2:6

Inapu min noyo i Jisus Kristus koson ra Tuhan min. Ginio ra kaayag kano sumimpung mabaya' Riso.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”