MIKA 4:4 - Tanou Moonsoi Timugon

⁴ Ngaangai' ulun maayag ra kaansayan giu' ra umo ru anggur am umo ru ara nilo; kolondo' sangulun pana mampakalalaa' risilo. Ginio noyo baal ondo' binantu' ru Tuhan Ondo' Maayo Kaga' Kuasa'.

MIKA 4:4 ပူးပေါင်းရင်းမြစ်များ

1 RAJA'-RAJA' 4:25

Buoi ru Raja' Salomo naayag, mamagun giu' ra titikop ru Jiuda am Israil maayag ra moonsoi, moonong ru sasambaloi mokoondo' ra umo ru anggur am umo ru ara.

1 RAJA'-RAJA' 5:5

Nambantu' noyo Tuhan ra Raja' Daut ama' kuno. Ragu Nano, ‘Anak ungkuyon muno ondo' lantikon Kuno masauk ra raja' koson malit rirun mambaal ra Baloi Kuno.’ Ginio ra namatas aku noyo koson mambaal ra Baloi intok sumamba ra Tuhan, i Aki Kapuuno' kuno.

AYUP 11:19

Kalo malaa' kou ra pantula'; masuang ulun makiindangan rirun.

MAZMUR 72:3

Gama' ru pagun ragitio lumangkaya', am makaliman ra katimpakan.

AMSAL 3:25

Kalo pana magalabo kou ra karaat rumatong ra sangkuliop ayuk, koson ra rosob lumumpa' ra ulun malaat.

JISAYA 1:20

Kaa' amon ru manggal kau Raki', maaru' matoi kau. Aku, Tuhan minindagu noyo.”

JISAYA 17:2

Bandar-bandar giu' ra pagun Siria iruanin ra sabuoi-buoi no. Sapi' am domba salilitau ra giu' no am kolondo' sangulun pana manganjung.

JISAYA 22:25

Paat raginio papasangutan ondo' pinopopok mapiot no maratu'. Ginio noyo boo pupus ru atan-atan pana pinasangut riso.” Tuhan minindagu noyo.

JISAYA 26:16

Iou Tuhan, inukum Mu ulun Muno, am ralalom kaimbalaan, mampiau ilo Rirun.

JISAYA 32:17

Pagun raginio kalinuos ayuk am kolondo' sasou ra sabuoi-buoi no sabap ra moonong ulun mambaal ra atan ayuk motopot.

JISAYA 36:16

Pai' min rongogo' Raja' Gijkia. Raja' Asyur manusub ramuyun maa' raginio mingkual kau intor ra bandar no am rumuku'. Akau ngaangai' iowon paakanon ra kawa' ru anggur intor ra puun ru anggur mino galama', am kawa' ru nunuk intor ra puun ru nunuk mino galama', am manginum ra timug intor ra tulubong mino galama',

JISAYA 40:5

Katulayan ru Tuhan pana pabalaan, am moonong ulun makatalinono'. Tuhan galama' noyo nambantu' no.”

JISAYA 54:14

Pinotolorog kou intor ra katimpakan, pinainggalur intor ra kajamaran am pangimpayan.

JISAYA 58:14

Akau pana maansukan sabap ra mangurumat Raki'. Saukon Takamin ra urumaton ra titikop ru tana'. Bayag mino mototop ra bansuk intor ra tana' longgom ri Jakub, kinamatuaan min. Aku, Tuhan minindagu noyo.”

JIRIMIA 23:4

Lantikon Ku panguasa' koson magalung risilo. Ulun Kuno kalo boo malaa' kapoam monontol; Aku pana kalo boo mangukum risilo. Aku, Tuhan nakaindagu noyo.”

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

YEHEZKIEL 34:25

Makimabantu' Aku risilo ondo' makapamayag risilo. Unjawon Ku ngaangai' bibiag masigo intor ra pagun no, maa' raginio domba-domba Kuno maayag ra matanda' giu' ra padang am mombolong giu' ra kataunan.

YEHEZKIEL 34:28

Bansa'-bansa' ondo' kalo nakaulig Raki' kalo boo mongoi pantakou ra ulun Kuno, am bibiag masigo pana kalo mamatoi am mangakan risilo. Moonsoi kaayagan nilo, am kolondo' osoi pana mampalalaa' risilo.

YEHEZKIEL 38:11

Namatas kono koson mamulunsar ra rondo' pagun ondo' kolondo' pinarinding ra batu, pagun ondo' mamagun nano maayag ra moonsoi am mamimio giu' ra bandar-bandar ondo' kolondo' timbok am kolondo' kuliamos mantula'.

YEHEZKIEL 39:26

Paat ilo mayan poyo giu' ra pagun nilo galama' ra kaansayan, am kolondo' sangulun pana mampajajou risilo, am ilo pana mampalilian ra nagasaban risilo sabap ra nanumbalik Raki'.

IMAMAT 26:6

“Maparatong Aku ra kaansayan giu' ra pagun mino saboi mokokolong kau ra kalo malaa' ra osoi pana. Liomon Ku bibiag mangasigo giu' ra pagun no, am pangayawan pana kolondo' boo.

MIKA 5:3

Pakasuku' panguasa' no, mamarinta io ra mamagun nano mabaya' ra kaikangan am kuasa' intor ra Tuhan, i Aki Kapuuno' galama'. Mamagun nano maayag ra makakaansayan sabap ra ngaangai' bansa' ra tana' ti mangiou ra katulayan nano,

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

JAKARIA 3:10

Paat orou raginio masaboi, moonong ulun mangkimait ra pasambalayan nano matong am sumia' ra kaansayan am kinamio giu' ra tatanga' ru umo ru anggur am puun ru ara min.”