MIKA 4:13 - Tanou Moonsoi Timugon

¹³ Indagu Tuhan, “Mamagun ru Jirusalim kau ngai', ongoyo' ukumi' pantula' min! Mampasauk Aku ramuyun maikang koson ra sapi' ungkuyon ondo' makasangau basi' am makasalindu ra tambaga'. Masuang bansa' pinuso min, am kalangkayaan nilo ondo' naalap ralalom ru kalaatan masauk ra pataakon min Raki', Tuhan ru limbowon am tana' ti.”

MIKA 4:13 ပူးပေါင်းရင်းမြစ်များ

MAZMUR 24:1

Mazmur ri Daut. Tana' ti am ngaangai' suang no longgom ru Tuhan; pagun ti am ngaangai' minayan no Io ra longgom.

MAZMUR 68:29

Patalango' noyo kuasa' Muno, iou Aki Kapuuno', kuasa' ra pinakai Muno ra tayar mai.

MAZMUR 72:10

Ngaangai' raja' ru Tarsis am ngaangai' pulu' mapataak riso ra tangguang; ngaangai' raja' ru pagun Syiba am Siba manaak niayuk riso ra tangguang.

JISAYA 18:7

Bulintok no masuku' paat ra Tuhan Ondo' Maayo Kaga' Kuasa' mangapu ra taak intor ra pagun ondo' pansailan ru sungoi-sungoi, intor ra bansa' ondo' maikang am mapanggol, ulun masawat am makakungkung malumis, am ondo' kalaanin ra titikop ru tana' ti. Matong ilo ra Bulur Sion, intok ru Tuhan Ondo' Maayo Kaga' Kuasa' no sambaan.

JISAYA 21:10

Alii ra bansa' kuno Israil, pinanjak-panjak kou koson ra gandum. Kaa' ragino balain takamin ra tanou moonsoi ondo' norongog kuno intor ra Tuhan Ondo' Maayo Kaga' Kuasa', i Aki Kapuuno' ru Israil.

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

JISAYA 5:28

Anak ru panah nilono malarom am tanggayan ru panah makatampos palaguron. Salindu ru kuda nilono mokotog koson ra batu ru apui, am luda' ru kurita' kuda nilono musing koson ra bagiu' mapuor.

JIRIMIA 51:20

Indagu Tuhan, “Okou Babilonia, koson kou ra amar Kuno am kinandoi pangayou Kuno. Mamakai Aku rirun koson mamuso ra bansa'-bansa',

JIRIMIA 51:33

Kalo boo mabuoi pantula' mangala risilo am manginginjang risilo koson ra ulun manginginjang ra gandum giu' ra intok mangagik ra gandum. Aku, Tuhan Ondo' Maayo Kaga' Kuasa', i Aki Kapuuno' ru Israil, nakaindagu noyo.”

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

GOSIA 10:11

“Galing i Israil koson ra sapi' mamulok ondo' inila', am magail tumampos mangagik ra gandum. Kalo pana boo paatangon Ku kuk ra impus nano ondo' moonsoi no. Kaa' raino namatas Aku noyo koson jajalin io mangandoi ra maagat. Manusub Aku ri Jiuda mamparadu' am Israil mamunduk ra radu'.

MIKA 5:7

Ilo ondo' lakat poyo maayag ra gino ngai' ru bansa'-bansa' ru bokon masauk koson ra singa' ondo' maguyum ra akanon giu' ra kataunan kapoam giu' ra padang ru sakot; siminubol singa' no ra tatanga' ru domba-domba, nansaam am niayuk bibinsango' domba; kolondo' sangulun pana makapamayag ra domba-domba no.

ABAKUK 3:12

Ralalom ru sangit lumiput Kou ra tana' ti; ralalom ru sangit manginjang Kou ra bansa'-bansa'.

JAKARIA 12:3

Paat ra tauli no, pasaukon Ku Jirusalim koson ra batu ondo' maagat. Ati-ati bansa' ondo' kuminam mangkayang riso mapilatan. Ngaangai' bansa' ra tana' ti magamung koson mamulunsar ra Jirusalim.

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

JAKARIA 4:14

Kopongo raginio indagu io, “Raan no tatandu' ru ruo ngaulun ondo' pinili' am sinauk ri Aki Kapuuno' koson mangandoi ayuk Riso, Tuhan ondo' namingkal ra tana' ti am limbowon.”

JAKARIA 6:5

Taam io, “Gitio noyo apat angin ondo' bagu minatong intor ra saang ru Tuhan ondo' namingkal ra tana' ti am limbowon.”

1 KORINTUS 16:2

Koson ragitio: moonong orou Minggu', akau ngaangai' musiti' manimung ra ruit sumugut ra maalap ru sigagama'. Timungo' min kalalair ruit no saboi ra aku makaratong, maa' raginio, kalo pana timungon ra aku makasuku'.

SAGULION 33:25

Gama' ru ampinin bandar-bandar nano ru kulobon garabang basi', gama' ru bayag nano magail moonsoi am mamimio.”

JOSUA 6:19

Ngaangai' kuliamos ondo' binaal intor ra pirok, mas, gangsa' kapoam basi' musiti' pasuayon tayar ru Tuhan. Kuliamos-kuliamos raginio ibiton ra intok pambulian ra rapu' ru Tuhan.”