MIKA 4:10 - Tanou Moonsoi Timugon

¹⁰ Mamagun ru Jirusalim kau ngai', pambilor am pampalaa kano koson ra ruandu' ondo' tatanga' maganak, sabap raino mangiruan kau kalalaat ra bandar ti am mayan giu' ra padang. Mongoi kau kalalaat ra Babil, kaa' giu' no Tuhan mamayag ramuyun intor ra pantula'.

MIKA 4:10 ပူးပေါင်းရင်းမြစ်များ

2 RAJA'-RAJA' 20:18

Kukula' ngaulun intor ra papag muno galama' ibiton am saukon ra sida-sida koson mangandoi giu' ra istana ru raja' ru Babilonia.”

2 RAJA'-RAJA' 25:4

timbok ru bandar pinasut ru pantula'. Kabalu' pana bandar no inawangan ru ulun ru Babilonia, ngaangai' saujor ru Jiuda nakaingkual intor ra bandar no. Nagigiru' ilo paat ra rondom am minaya' ra ralan mansail ra taman ru istana am kulobon garabang ra lolot ru ruo timbok. Nagiru' ilo sumuku' ra Limayak Jordan.

2 TUNUNG RU BANSA' ISRAIL 33:11

Ginio ra nompoloso Tuhan ra panglima-panglima ru saujor ru pagun ru Asyur namulunsar ra Jiuda. Rinakop nilo Raja' Manasi ra kaitan, binangkil io, am inibit io ra Babil.

2 TUNUNG RU BANSA' ISRAIL 36:20

Inibit ru Raja' Babilonia ngaangai' ulun ondo' lakat poyo naayag giu' ra bandar no ra Babilonia. Jinajalan ilo nasauk ra inulipon ra raja' am papag nano saboi ra talimpuun ru pamarintaan ru Pirsia.

2 TUNUNG RU BANSA' ISRAIL 36:23

“Gitio noyo ragu ru Raja' Koris, raja' ru Pirsia. Tuhan, i Aki Kapuuno' panguasa' giu' ra suruga', nampasauk raki' ra raja' ru titikop ru tana' ti. Nangani' Io raki' ra kandoi koson mambaal rondo' baloi Riso giu' ra Jirusalim, giu' ra wilayah ru Jiuda. Ginio ra, akau ngaangai' ondo' nasauk ra ulun ri Aki Kapuuno' musiti' sumaguli' ra giu'. Gama' ru Tuhan, i Aki Kapuuno' min mabaya' ramuyun.”

MAZMUR 106:10

Koson raginio bayagon No ulun Nano intor ra kalindu' ru pantula' Nano, am mapalabus risilo intor ra kuasa' ru pantula' nilono.

JISAYA 43:14

I Aki Kapuuno' ru Israil, i Aki Kapuuno' ondo' matulai, Tuhan ondo' mamayag ramuyun mindagu, “Atarin Takamin ra saujor koson mamayag ramuyun intor ra Babil; Lunsayon Ku kulobon-kulobon garabang, am pagigindiyan ru namagun Babil makulau masauk ra tangi'.

JISAYA 45:13

Aku noyo nanusub ri Koris koson mapaugar ra kasagaan Kuno am mapaundok ra katimpakan. Moonong ralan ra bayaan nano rataan Ku. Baalon no sagulio' bandar Kuno Jirusalim am mapalabus ra ulun Kuno ondo' rinakop, kolondo' rasua am kalo kibayarin.” Tuhan Ondo' Maayo Kaga' Kuasa' minindagu noyo.

JISAYA 48:20

Ingkual noyo am pagiru' intor ra Babil! Pabalaa' noyo tanou raginio ralalom guang maantak. Pabalaa' noyo tanou raginio ra ati-ati ayuk, “Tuhan namayag ra Israil, ulipon Nano!”

JIRIMIA 13:4

“Ongoi no ra Sungoi Iprat am bunio' tapi' mariwa' no giu' ra lolot ru bulur batu.”

JIRIMIA 15:21

Palabuson Tokou intor ra kuasa' ru ulun malaat kaga'. Aku, Tuhan nakaindagu noyo.”

JIRIMIA 29:20

Akau ngaangai' ondo' pinatiran Ku ra Babilonia, rongog no ra atan ondo' paraguon ru Aku, Tuhan.’

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 48:41

Bandar-bandar am kubu-kubu gaawon. Paat orou raginio saujor-saujor ru Moab mangalaa' koson ra ruandu' tatanga' maganak.

JIRIMIA 52:27

giu' ra wilayah Gamat. Giu' no linamba' ilo am inukuman boo ra matoi. Koon raginio noyo mamagun ru Jiuda inaut intor ra pagun nilo, am pinatiran ra pagun ra bokon.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

GOSIA 13:13

Israil mokoondo' ra kaluagan koson maayag, kaa' Israil sasambungon kaga' saboi kalo pinakai kaluagan raginio. Israil koson ra lalagang ondo' mamaar anakon kaa' marara' mingkual intor ra binunakan ru ina'.

GOSIA 2:14

Pasagulion Ku umo ru anggur ondo' linonggom no ragili am Limayak Kapaganan pasaukon ra rondo' kulobon kalansanan. Giu' no manguma' io Raki' koson ra paat io mamulok, paat ra io bagu miningkual intor ra Misir.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MIKA 5:3

Pakasuku' panguasa' no, mamarinta io ra mamagun nano mabaya' ra kaikangan am kuasa' intor ra Tuhan, i Aki Kapuuno' galama'. Mamagun nano maayag ra makakaansayan sabap ra ngaangai' bansa' ra tana' ti mangiou ra katulayan nano,

PINAINTALANG 12:14

Kaa' ruandu' no inanian ruo kawo ru kanui maayo, pansiab io boo mongoi ra intok inaru' i riso, giu' ra tana' kaagisan. Alungin io ra giu' no koson minggalur ra kalaatan ru tambuakal no buoi talu ngambilor maintanga'.