MIKA 3:2 - Tanou Moonsoi Timugon

² kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

MIKA 3:2 ပူးပေါင်းရင်းမြစ်များ

1 RAJA'-RAJA' 21:20

Paat ra Raja' Agab nakatuum ri Ilia, indagu io, “Okou pantula', pupus ti nakasugut kou nakatuum raki'!” Taam i Ilia, “Topot. Binaal muno malaat ra pagilangan ru Tuhan.

2 TUNUNG RU BANSA' ISRAIL 19:2

Sangulun nabi ininggalanan ri Jigu anak ri Ganani, minongoi uma' ra raja' am indagu riso, “Musiti' kou kia mangindangan ra ulun malaat am magibaya' ra ulun ondo' manggal ra Tuhan? Binaal muno mangkinibit ra Tuhan sumangit rirun.

MAZMUR 15:4

ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

MAZMUR 53:4

Kaa' ngaangai' ulun tumalansiang noyo am nakalayau, kolondo' sangulun pana mambaal ra moonsoi.

AMSAL 28:4

Osoi-osoi ondo' mampalilian ra ukum, sumaung io ra ulun malaat; osoi-osoi gumagaya' ra ukum, makimantula' io ra ulun malaat.

JISAYA 3:15

Kolondo' kuasa' min mangimbolo' ra ulun Kuno am niayuk mamparuung ra ulun musikin. Aku, Tuhan Raja' Ondo' Maayo Kaga' Kuasa' minindagu noyo.”

JISAYA 5:20

Aibui boo ramuyun! Pantalikaron min ondo' moonsoi am niayuk ondo' malaat, ondo' molondom am niayuk ondo' matawang, am niayuk ondo' mapait am ondo' matamis.

JISAYA 57:12

Indoson min binaal mino motopot, kaa' pasalulaan Ku kalaatan toojo mino, am sinungkalalaing mino kalo makapangindangan ramuyun.

YEHEZKIEL 11:7

“Ginio ra Aku, Tuhan Raja' mindagu ramuyun. Topot ra bandar ti noyo pagangan, kaa' kual giu' ra ralalom no sala' ka akau, kaa' baangkai ru ulun ondo' pinatoi min! Kaa' akau patirin Ku intor ra bandar ti!

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

YEHEZKIEL 24:4

Pasuboo' kual ondo' moonsoi kaga' ra ralalom nano: kual ru limbawo am kual ru paa, am bungul-bungul ondo' masuang utok nano.

YEHEZKIEL 34:3

Inumon min gatas ru domba, mambayang ra bulu domba, manimbalui am mangakan ra domba ondo' moonsoi kaga', kaa' kalo igondo' kau pagalung ra domba-domba no.

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

MIKA 2:8

Taam Tuhan, “Namulunsar kau ra ulun Kuno ra ilo ti ilain koson ra pantula'. Ungkuyon ondo' minuli' intor ra pangayawan am indoson nilo ti maayag giu' ra baloi. Kaa' akau maginaa koson mantakou ra sukub ondo' pinakai nilo.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

JIPANYA 3:3

Tingganai-tingganai ru bandar no koson ra singa' ondo' mansasangal. Akim-akim no koson ra taani maitilan ondo' masuung kaga' saboi saputul bungul pana kolondo' ondo' natatang koson ra suabon no.

LUKAS 19:14

Kaa' mamagun nali galama' pana masisang riso. Pakaugar io, panusub boo mamagun ra ulun mongoi pangator ra bilin riso, kon nilai, ‘Marara' akai ra ulun ti masauk ra raja' mai.’

JUANIS 18:40

Golok ilo, “Kalo! Sala' ka Io! Palabuso' ramon i Barabas!” (I Barabas ti sangulun teroris.)

JUANIS 7:7

Akau kalo kasisangin ru ulun ru tana' ti, kaa' Aku kasisangin nilo, sabap ra masalok Aku mampasalula' ra kalaatan nilono.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

2 TIMOTIUS 3:3

Kalo motogom kapoam mangampun ilo ra ulun bokon am masaga' ayuk manimbaal ra ragu. Am poyo mataki' ilo malasu' guang, malaat ilo am masisang poyo ra kaansayan.