MIKA 3:1 - Tanou Moonsoi Timugon

¹ Rongog kano, panguasa' ru Israil kau ngai'! Akau musiti' no mampalio ra katimpakan,

MIKA 3:1 ပူးပေါင်းရင်းမြစ်များ

NIGIMIA 13:17

Nansawai aku ra tingganai-tingganai ru Jaudi. Indagu aku, “Ilai' binaal min ra malaat no! Jinamalan min orou Sabat.

MAZMUR 14:4

Pangkuot Tuhan, “Kalo kia nakapandai ngaangai' ulun malaat ti? Kaayagan nilo mantakou ra kuliamos ru ngaangai' ulun Kuno, am kalo igondo' pakiasi' Raki'.”

JISAYA 1:10

Alii ra Jirusalim, tingganai am ulun muno koson boo ra ulun Sodom am Gomora. Rongogo' noyo ragu ru Tuhan no ramuyun. Guango' min pangilaan ri Aki kapuuno' takano.

JISAYA 10:2

Ginio noyo namakuan min mongompong ra ulun musikin mangalap ra matanda' risilo am katimpakan, am niayuk mampagaau ra longgom ru ulun napuor am anak nailusan ra matuo.

YEHEZKIEL 22:6

Ngaangai' tingganai ru Israil lumansan ra kaikangan nilo galama' am namatoi.

YEHEZKIEL 34:2

“Okou ulun mapandai matoi, ulaso' raja'-raja' ru Israil. Panala' no am posoboyo' atan ondo' paraguon Kuno, Tuhan Raja' risilo, ‘Aibui boo ramuyun, akau magagalung ru Israil. Alungin min ayuk kaatangan min galama' am sala' ka kaatangan ru domba-domba.

YEHEZKIEL 34:3

Inumon min gatas ru domba, mambayang ra bulu domba, manimbalui am mangakan ra domba ondo' moonsoi kaga', kaa' kalo igondo' kau pagalung ra domba-domba no.

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

AMOS 6:1

Aibui boo ramuyun ondo' naayag ra matasu' giu' ra Sion, am akau ondo' maayag ra moonsoi giu' ra Samaria. Akau noyo ulun nauligan kaga' inggalan intor ra Israil, bansa' ondo' maayo; akau noyo ondo' ratangin ru mamagun koson makiindangan.

MIKA 2:13

Mangukab i Aki Kapuuno' risilo ra ralan koson magibit risilo mingkual intor ra pamatiran. Jumunjung ilo mingkual intor ra kulobon garabang ru bandar no am magiru'. Tuhan galama', ondo' masauk ra raja' nilo maningganai risilo mingkual.

1 KORINTUS 6:5

Mapara' boo uyu' no! Maaru' mokoondo' intor ramuyun ondo' mapintar koson manalasai ra pansasangaran ra gino ngai' ru ulun Kristian.

SAGULION 16:18

“Lantiko' noyo tingganai-tingganai ru bansa' am pagawai-pagawai ra bokon giu' ra moonong bandar ondo' pataakon ramuyun ru Tuhan i Aki Kapuuno' min. Ngaangai' ulun musiti' mangakim ra mamagun ra matimpok.