MIKA 2:8 - Tanou Moonsoi Timugon

⁸ Taam Tuhan, “Namulunsar kau ra ulun Kuno ra ilo ti ilain koson ra pantula'. Ungkuyon ondo' minuli' intor ra pangayawan am indoson nilo ti maayag giu' ra baloi. Kaa' akau maginaa koson mantakou ra sukub ondo' pinakai nilo.

MIKA 2:8 ပူးပေါင်းရင်းမြစ်များ

2 SAMUIL 20:19

Bandar maiti maayo, rondo' ra bandar ondo' namimio toojo am gumagaya' toojo ra pagun ru Israil. Kua kia masaga' kou mapalunsai raginio? Masaga' kou kia mapalunsai ra longgom ru Tuhan?”

MAZMUR 55:20

Pamarintaan ri Aki Kapuuno' mantilayun, mangkirongog raki' am kalaan No pantula' kuno, sabap ra kalo boo kulawon nilo guang, am kalo malaa' ri Aki Kapuuno'.

JIRIMIA 12:8

Ulun pinili' Kuno minanggal Raki'; koson ra singa' giu' ra gimbaan koon raginio noyo ra ilo sumingangal Raki'. Ginio sabap ra masisang Aku risilo.

MIKA 3:2

kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

MIKA 3:3

Tinolon min ngaangai' bansa' Kuno. Iningkulitan min ilo am pinandak min bungul nilo. Kual nilo tinotok min koson ra akau monotok ra kual ondo' ansakon ralalom ru pagangan ru tana'.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.