MIKA 2:6 - Tanou Moonsoi Timugon

⁶ Ulun nampatanou raki' am mindagu, “Pai' potonowo' ramon. Pai' potonowo' intor ra ngaangai' no. Maaru' lair i Aki Kapuuno' kalo mampakauyu' ritakau.

MIKA 2:6 ပူးပေါင်းရင်းမြစ်များ

MAZMUR 74:9

Nabi-nabi am baal-baal makaimuag kalo boo makito, am kolondo' sangulun pana makapandai sanggilan pupus ru babaal ragitio.

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

JISAYA 30:10

Susubon nilo nasuangan nabi kalo paindaguon. Mindagu ilo, “Pai' paraguo' ragu ra motopot no ramon, kaa' paraguo' noyo ragu ra masaga' mai rongogon. Polosoo' akai no mantutuyang.

YEHEZKIEL 20:46

“Okou ulun mapandai matoi, ilai' tampilon ra rabugus. Sawayo' noyo tana' rabugus am indagu ra ragu manala' manggal ra kataunan ra giu' no.

YEHEZKIEL 21:2

“Okou ulun mapandai matoi, ulaso' Jirusalim! Ulaso' intok-intok sambayangan ru mamagun nano! Pakaraa' moonong ulun giu' ra Israil,

YEHEZKIEL 3:26

Baalon Ku rila' muno kumotog saboi kalo makapangani' kou ra pampakaraan ra ulun-ulun gumuor ti.

AMOS 2:12

Kaa' nanusub kau ra ulun Nazir nanginum ra wain, saboi liminungkang ilo ra bantu'. Nanginggalar kau niayuk ra nabi-nabi nampasaboi ra tanou Kuno.

AMOS 7:13

Pai' boo raguo' manala' ragiti ra Bitil. Bandar ti tayar ayuk ru raja' sumambayang, iono intok sambayangan ru pagun.”

AMOS 7:16

Ginio ra rongogo' noyo ragu ru Tuhan. Sabap ra nanginggalar i Amajia raki' mindagu ra manala' manggal ra ulun ru Israil,

MIKA 3:6

“Nabi kau ngai', pupus ru kaayagan min mamaar noyo. Orou masauk molondom ramuyun. Ginio sabap ra akau nampalayau ra ulun Kuno, kalo makaapu kau ra pinaintalang kapoam pakitanan. Kalo boo makapanala' kau ra atan-atan ayuk.”

MIKA 6:16

Baal ragitio masauk sabap minaya' kau ra baal malaat ru Raja' Omri, am anak nano, Raja' Agab. Minaya' kau ra aturan ondo' inaru' nilo. Ginio ra mamuso Aku ramuyun, am ngaangai' ulun magasab ramuyun. Ulun giu' ra ati ayuk intok masisang ramuyun.”

RINALATAN 4:17

Kaa' koson baal raginio kalo makatabual poyo ra ulun masuang, moonsoi lolobon takau ilo ruo no koson kalo boo mampatanou ra osoi ayuk pana ralalom inggalan ri Jisus.”

RINALATAN 5:28

“Linolob takamin noyo ra pai' kau pangila' ra pangilaan ru ulun ragili. Kaa' ilai' boo binaal min! Nampatabual kau ra pangilaan min ra titikop ru Jirusalim ti, am nanguu' kau poyo ra akai no nangkinibit ra pinatayan ru ulun i.”

RINALATAN 5:40

Piawo' nilo saguli' rasul-rasul no, am palapasi' boo am inggalari' ilo manabit ra inggalan ri Jisus. Kopongo ragili pinalabus ilo.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!