MIKA 2:12 - Tanou Moonsoi Timugon

¹² Kaa' mampatimung Aku ramuyun, ulun Kuno Israil kau ngai' ondo' lakat poyo maayag. Manimung Aku ramuyun koson ra domba-domba ondo' muli' ra kandang. Koson ra padang ru sakot ondo' nososok ra domba, igondo' poyo pagun min mososok ra ulun.”

MIKA 2:12 ပူးပေါင်းရင်းမြစ်များ

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 27:12

Bulintok raginio, intor ra Sungoi Iprat saboi ra balitan ru pagun ru Misir, mampalulur Tuhan ra ulun Nano, koson ra ulun mapasuai ra gandum am apol.

JISAYA 34:6

Ilang Nano malimpot ra raraa' am lomok, koson ra raraa' am lomok ru domba am kambing ondo' sinimbalui. Tuhan mangatang ra taak simbalui no giu' ra bandar Bojra, am mangatang ra panimbaluyan masuang giu' ra pagun ru Idom.

JISAYA 5:17

Nakaayantanga' ra napuutan ru bandar, anak ru domba mongkotop ra sakot am anak ru kambing mokoowot ra limayak ondo' makasakot malabung.

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

YEHEZKIEL 34:11

Indagu Tuhan Raja', “Aku galama' maguyum ra ulun ru Israil, domba-domba Kuno, am magalung risilo,

YEHEZKIEL 34:13

Paingkualon Ku ilo intor ra pagun-pagun ra bokon am manimung risilo, am magibit risilo muli' ra pagun galama' nilo. Ibiton Ku ilo saguli' ra gunung-gunung am limayak-limayak giu' ra Israil. Aniin Ku ilo ra akanon giu' ra padang-padang sakot ondo' malabung.

YEHEZKIEL 34:22

Kaa' bayagon Ku domba-domba Kuno am kalo boo polosoon ilo malaat pamakuan. Mangakim Aku ra moonong domba Kuno am mampatuliar ra ondo' moonsoi intor ra ondo' malaat.

YEHEZKIEL 34:31

Totopot akau no sampanon ru domba ondo' pinakan Kuno. Akau noyo ulun Kuno am Aku noyo i Aki Kapuuno' min.” Ginio noyo ragu ru Tuhan Raja'.

YEHEZKIEL 36:37

Indagu Tuhan Raja', “Igondo' poyo iowon Ku ulun ru Israil makiindangan Raki', am ruangin Ku suang nilo koson ra sampanon ru domba.

YEHEZKIEL 37:21

Pambala' boo risilo ra Aku, Tuhan Raja' manimung ra ngaangai' ulun Kuno intor ra pagun-pagun intok inangayan nilo. Ibiton Ku ilo muli' ra pagun nilo galama'.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

AMOS 1:12

Ginio sabap ra atarin Ku apui giu' ra bandar Timan am solobon kubu-kubu ru Bojra.”

MIKA 2:13

Mangukab i Aki Kapuuno' risilo ra ralan koson magibit risilo mingkual intor ra pamatiran. Jumunjung ilo mingkual intor ra kulobon garabang ru bandar no am magiru'. Tuhan galama', ondo' masauk ra raja' nilo maningganai risilo mingkual.

MIKA 4:8

Okou Jirusalim, intok ri Aki Kapuuno' mantamung ra ulun Nano koson sangulun magagalung, sumaguli' ra pusor bandar ru pamarintaan muno koson ragili.

MIKA 5:7

Ilo ondo' lakat poyo maayag ra gino ngai' ru bansa'-bansa' ru bokon masauk koson ra singa' ondo' maguyum ra akanon giu' ra kataunan kapoam giu' ra padang ru sakot; siminubol singa' no ra tatanga' ru domba-domba, nansaam am niayuk bibinsango' domba; kolondo' sangulun pana makapamayag ra domba-domba no.

MIKA 5:8

Kalaan ru Israil pantula' nilo am mamuso risilo ngaangai'.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

JIPANYA 3:20

Masaboi paat no; ibiton Ku muli' ulun ondo' nantutuliar; pasaukon Takamin ra mauligan kaga' giu' ra titikop ru tana', am pasaukon kau ra langkaya' igondo' poyo.” Tuhan nakaindagu noyo.