MIKA 2:10 - Tanou Moonsoi Timugon

¹⁰ Karat no am ugar no intor ragiti. Kolondo' boo intok ondo' mamimio. Tula min naparatong ra karaat ondo' makalalaa' ra intok ti.

MIKA 2:10 ပူးပေါင်းရင်းမြစ်များ

1 RAJA'-RAJA' 9:7

patirin Ku ulun Kuno Israil intor ra pagun ondo' tinaakan Kuno risilo. Iruanin Ku niayuk Baloi ti ondo' timpokon Ku koson ra intok sumambayang Raki' ayuk. Ulun giu' ra ati-ati intok no manauyu' am magasab ra ulun ru Israil.

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

2 TUNUNG RU BANSA' ISRAIL 7:20

Aku pana mamatir ramuyun intor ra pagun ondo' tinaakan Kutu ramuyun, am mangiruan ra Baloi ti ondo' timpokon Kutu koson ra intok sambayangan Raki'. Ulun giu' ra ati intok magagasab am mangingiis ra Baloi ti.

MAZMUR 106:38

Potoyon nilo anak-anak ondo' kolondo' sala, saboi pagun no jinamol ru pampatayan no.

MAZMUR 95:11

Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”

JIRIMIA 10:18

Patirin kau ru Tuhan intor ra pagun ti; umokon No akau saboi sangulun pana kolondo' matatang. Gini noyo ragu ru Tuhan.

JIRIMIA 3:2

Kinami' ilai' rasawat no, giu' ra tampak ru bulur! Ati ra intok ondo' kalo poyo igondo' kou ratong koson mantalan ra inan? Nanturung kou giu' ra kiing ru ralan maginaa ra ulun ondo' masaga' mansilar; okou koson ra ulun ru Arab ondo' magawang ra ulun ipaan giu' ra tana' kaagisan. Jinaka' mu pagun ti ra pansasawaan am kalaatan muno.

JIRIMIA 9:19

Rongogo' bolos ru tangi' giu' ra Sion, “Natutuk akai noyo! Tinauyu' akai toojo. Musiti' akai mangiruan ra pagun mai; baloi mai linunsai noyo.”

YEHEZKIEL 36:17

“Okou ulun mapandai matoi, paat ra ulun ru Israil minayan giu' ra pagun nilo, jinamol nilo pagun no ra baal ru kaayagan am paliso nilo. Karaan Ku paliso nilono majamol koson ra ruandu' ondo' tatanga' liuran.

YEHEZKIEL 36:19

Ukumin Ku ilo nogondo' koson ra baal ru kaayagan nilo am paliso nilo, am pantutuliaron Ku boo ilo giu' ra pagun-pagun ra bokon.

SAGULION 12:9

sabap kalo poyo nakasaboi kau ra tana' ondo' taakin ramuyun ru Tuhan i Aki Kapuuno' min, intok min mayan ra mamimio.

SAGULION 30:18

maaru' pusoon kau. Umur min kalo maawar giu' ra tana' ra sandaup ru Sungoi Jordan, ondo' kalo boo mabuoi am ayanin min. Karaa' noyo! Mapakara' aku toojo ramuyun ra orou raiti' ra intok ragitio.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.