MIKA 2:1 - Tanou Moonsoi Timugon

¹ Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

MIKA 2:1 ပူးပေါင်းရင်းမြစ်များ

KASAUKAN 31:29

Makakuasa' aku lumaat rirun, kaa' rondom i, napakara' i Aki Kapuuno' ru ama' muno raki' ra kalo babanyou raguon kuno rirun.

1 RAJA'-RAJA' 21:7

Kon ri Ijibil, “Sala' ka kia raja' kou? Sukal no, bansuko' guang muno am akan no. Alapon ku rirun umo ri Nabot no!”

ESTER 3:8

I Gaman pana nambala' boo ra raja', kono, “Raja' kuno, mokoondo' rondo' bansa' ondo' nokosoroi ra moonong wilayah giu' ra titikop ru pamarintaan mutu. Mokoondo' ilo ra kaulayan ondo' suai toojo ra kaulayan ru bansa' ra bokon. Ra mulu' poyo ra kalo gumagaya' ilo ra undang-undang ru pamarintaan. Ginio ra, moonsoi pai' mu polosoo' ilo mambaal ra kasagaan nilo.

ESTER 5:14

Pokorongog ra baal raginio, andu' nano am ngaangai' rangan nano mindagu, “Tirongo' rondo' lugu' panairan ra sawat no 22 ngamito, am rumondom ra susuab no kitaakon maa' raginio mangukum raja' ra tairon i Mordikai. Akau pana makasaang boo ra bunsag no ra guang maansukan.” Nampaguang i Gaman ra inatangan no moonsoi. Ginio ra nanusub io ra ulun mambaal ra lugu' pampatairan no.

ESTER 9:25

Kaa' minuma' i Ester ra raja', am nangingkual raja' ra susuban tinulisan, saboi inantungan i Gaman ra kinibit ru inatang malaat nano ra ulun ru Jaudi. Io am anak-anak ungkuyon nano tinair ra lugu' pampatairan.

AYUP 15:35

Ginio noyo ulun ondo' nangatang am niayuk nambaal ra kalaatan; guang nilo magail natikop ra pamparuungan.”

AYUP 24:14

Paat ra maar matawang, ulun mamatoi mingkual mamatoi ra ulun musikin; am paat ra rondom, mingkual ilo mantakou.

MAZMUR 36:4

Ragu-ragu nilono napanu' ra kalaatan am abau, kalo boo mambaal ilo ra moonsoi am ralalom ru kapintaran.

MAZMUR 36:5

Mangatang ilo ra malaat bulintok miluluya' ra katil; kolondo' baalon nilono ra moonsoi, am kalo igondo' ilo panatang ra atan-atan malaat.

MAZMUR 58:3

Kalo! Malaat ayuk karaan mino, am ra pagun ti masaga' kau mambaal ra kalaatan.

AMSAL 12:2

Ulun moonsoi kaansayin ru Tuhan, kaa' ulun ondo' mangatang ra kalaatan makaapu ra ukuman.

AMSAL 14:22

Ulun ondo' mambaal ra moonsoi maintopot am urumaton, kaa' ulun ondo' mambaal ra malaat mambaal ra kasalaan.

AMSAL 3:27

Amon ru maalap ayuk, mambaal kau ra pangindangan ra ulun ondo' maaya' indanganon.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

JISAYA 29:20

Ginio noyo pupus ru ilo ondo' mangimbolo' ra ulun am niayuk magasab ri Aki Kapuuno'. Moonong ulun makatula pusoon.

JISAYA 3:14

Akimin ru Tuhan tingganai-tingganai ru ulun Nano. Gitio noyo nanguwan Nano risilo, “Ginaau min ampos ru umo ru anggur am baloi mino nososok ra kuliamos ondo' ginaau min intor ra ulun musikin.

JISAYA 32:7

Ulun mamparuung mangkara' am mambaal ra malaat. Mangkara' ilo ra ralan mamparuung ra ulun musikin ralalom ragu-ragu abau, am mongompong ra ulun musikin makaalap ra kaapuan nilono.

JISAYA 5:8

Aibui boo ramuyun! Nambali kau ra baloi am umo koson mamparuang ra longgom mino. Kalo boo mabuoi makayaan noyo ulun ra bokon ra intok. Akau ayuk mayan ra pagun raginio.

JISAYA 59:3

Nakasala kau sabap ra magabau am sumaindang, malaat am mamatoi.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

YEHEZKIEL 11:2

Indagu i Aki Kapuuno' raki', “Okou ulun mapandai matoi, gitio noyo ulun ondo' nangatang ra kalaatan am nangani' ra bilin ondo' mampalayau, giti ra bandar ti.

YEHEZKIEL 33:26

Malansan kau ra ilang min. Binaal mino makauyuyu'. Akau ngaangai' nansawa'. Ati kulaan kau mangkara' ra tana' no longgom min?

YEHEZKIEL 38:10

Indagu Tuhan ra Raja' ri Gog, “Paat raginio, baalon muno inatangan malaat.

YEHEZKIEL 46:18

Ulun manguasa' no kalo iowon mampagaau ra tana' tungkuson ru mamagun nano. Tana' ondo' pataakin no ra anak-anak ungkuyon nano musiti' tana' nano galama' ondo' inaru' noyo riso, maa' raginio kalo mangimbolo' io ra osoi pana ulun Kuno ra mampagaau ra tana' nilo.”

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.

NAGUM 1:11

Intor rirun, okou Niniwi, siminalula' noyo sangulun ondo' nototop ra inatangan malaat. Nangatang io koson manggal ra Tuhan.

JAKARIA 7:10

Pai' imboloo' ruandu' napuor, anak nailusan ra matuo, ulun bokon ondo' minayan ra tatanga' min, kapoam osoi ayuk ondo' ralalom ru kapaganan. Pai' pangatang ra baal ondo' malaat ra ulun ru akau po ngai'.’

MARKUS 15:1

Ra iosuabon, tingganai imam Jaudi, tingganai ru ulun ru Jaudi, mangingila' ra Ukum ri Musa am ulun Majlis Ugama ra bokon, nagindibok nansusunur. Rantayo' nilo i Jisus, paumaa' am pataaki' nilo Io ra gabenor Pilatus.

LUKAS 20:19

Mangingila' ra Ukum ri Musa am tingganai imam Jaudi no nangkinam mamulali' mamparakop ri Jisus, sabap ra natutunan nilo ra ilo galama' kon ru abig ni; kaa' nalaa' ilo ra ulun masuang.

JUANIS 19:11

Taam i Jisus, “Kolondo' kuasa' muno Raki' amon ru kalo aniin kou ri Aki Kapuuno'. Ginio boo ra ulun nampataak Raki' i rirun, maayo poyo tula nano ka okou.”

RINALATAN 23:12

Nokorondom io ra suabon no, naguguum ulun ru Jaudi. Nagigibot ilo ra kalo mangakan am manginum amon ru kalo poyo mapatoi nilo galing i Paulus.

RINALATAN 23:15

Raino, akau am ulun-ulun ru Majlis Ugama musiti' mangator ra surat ra tingganai maayo ru saujor Roma no koson kitaakon i Paulus ti paumaan ramuyun saguli', ra mangimumui poyo riso koson ragili. Akai am nakatampos noyo mamatoi riso ra io kalo poyo makasaboi ragiti.”

ROMA 1:30

mangilaat ra bokon; masumbung ilo am mailo balain, masisang ri Aki Kapuuno' am lumimbau. Maguyum ilo ra ralan bagu koson mambaal ra malaat am kalo gumagaya' ra ragu ru matuo nilo;

SAGULION 28:32

Ra talupak ru mato min, anak-anak min, iou ra ungkuyon am ruandu', pataakon koson ra ulipon ra ulun bansa' ru bokon. Moonong orou, mapari' mato min maguyum ra anak-anak min, kaa' pirot mino banangan ak, sabap kalo sumaguli' ilo.