MIKA 1:7 - Tanou Moonsoi Timugon

⁷ Pusoon Ku ngaangai' sinungkalalaing no, am moonong kuliamos ondo' longgom ru ulun mantalan ra inan giu' ra kuil pusoon ralalom ru apui. Ngaangai' sinungkalalaing nano masauk ra ginsamol. Naalapan ru Samaria ra ngaangai' kuliamos no koson ampos ru sumamba ra dewa kalabungan; raino pantula' nano piboo nagibit ra kuliamos-kuliamos no koson taakin ra ulun-ulun mantalan ra inan giu' ra kuil ru bokon.”

MIKA 1:7 ပူးပေါင်းရင်းမြစ်များ

2 TUNUNG RU BANSA' ISRAIL 31:1

Kopongo noyo pangiantakan no, ngaangai' ulun ru Israil minongoi ra moonong bandar giu' ra Jiuda. Pinuso nilo batu-batu pangkaraan sinungkalalaing am tatandu'-tatandu' ondo' patimpokon ra Dewi Asyira. Linunsai nilo altar-altar am intok-intok sambaan ra sinungkalalaing. Binaal nilo baal ra nogondo' giu' ra intok-intok ra bokon giu' ra Jiuda, am giu' ra wilayah Binjamin, Ipraim am niayuk Manasi. Kopongo raginio ilo ngaangai' minuli' ra intok ru sigagama'.

JISAYA 23:17

Makasail tulu' ngoopor ngambilor no, polosoon ru Tuhan Tirus maparayus saguli' ra pangindapuan no ra ngaangai' pamarintaan ra tana' ti.

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

YEHEZKIEL 6:6

Ngaangai' bandar giu' ra Israil pusoon maa' raginio altar am sinungkalalaing nilo mopopol toojo, intok panalaban ra kaminyan nilo matutuk, am ngaangai' ondo' binaal nilo lumiot.

GOSIA 2:12

Ukumin Ku io sabap ra nakalilian io Raki'. Monolob io ra kaminyan tayar ru Baal, am malimpor io ra kuliamos mas koson mangilou ra ambai-ambai nano. Aku, Tuhan nakaindagu noyo.”

GOSIA 2:14

Pasagulion Ku umo ru anggur ondo' linonggom no ragili am Limayak Kapaganan pasaukon ra rondo' kulobon kalansanan. Giu' no manguma' io Raki' koson ra paat io mamulok, paat ra io bagu miningkual intor ra Misir.

GOSIA 2:5

Ginio ra manginsur Aku riso ra bulungkut makaruui am ampangin ralan nano ra timbok.

GOSIA 8:5

Masisang Aku ra sapi' mas ondo' sambaan ru mamagun ru bandar Samaria. Siminangit Aku kaga' risilo. Saboi sanggilan kia ilo marayus sumamba ra sinungkalalaing?

GOSIA 8:6

Sangulun manukang giu' ra Israil nambaal rondo' sinungkalalaing; sinungkalalaing no sala' ka i Aki Kapuuno'! Sinungkalalaing ru sapi' mas ondo' sambaan giu' ra Samaria no tutukon.

JOIL 3:3

Nagugundi' ilo koson mangaru' ra ulun makaalap ra ulun rinakop. Nantalan ilo ra lalaing ungkuyon am ruandu' maa' raginio saukon ra ulipon. Alapon nilo ruit ondo' naapu koson mambayar ra ulun mantalan ra inan am mambali ra wain.

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

SAGULION 23:18

Ruit ondo' moowot ra ralan ragitio kalo iowon ibiton ra ralalom Baloi ru Tuhan i Aki Kapuuno' min koson manugut ra nazar. Mantatalan ra inan giu' ra kuil ru sinungkalalaing kasisangin ru Tuhan.

SAGULION 9:21

Inalap ku kuliamos jajajou ondo' binaal min noyo, iono sapi' intor ra logam, am pinatiran ginio ralalom ru apui. Kopongo raginio pinilang-pilang am inumok ku nasauk ra kaau, am pinatiran ralalom ru sungoi ondo' timinilis intor ra gunung no.

PINAINTALANG 18:3

Sabap ra ngaangai' bansa' am raja'-raja' ru tana' ti nansasawa' ilo ra mamagun ru bandar i, koson ra ulun mangagauk ra wain. Intor raginio ulun-ulun mantatalan nano lumangkaya'.”

PINAINTALANG 18:9

Raja'-raja' ru tana' ondo' nansasawa' am liminangkaya' intor risilo, mantatangi' ilo ra bandar no paat makito nilo lisun ru apui ondo' mangumpo no.

1 SAMUIL 5:4

Paat ra suabon raginio iosusuab, nakito nilo sinungkalalaing no naratu' poyo ra saang ru Kaban Nabantuan. Raino ti ulu ru sinungkalalaing no am karuruo longon nano naputul am nakabanta' ra kulobon no; inan ayuk boo ru sinungkalalaing no lakat poyo soroi. (