MIKA 1:6 - Tanou Moonsoi Timugon

⁶ Ginio ra mindagu Tuhan, “Saukon Ku Samaria ra tuntur ru natuyas giu' ra padang, am intok ru ulun mantanom ra puun ru anggur. Mamatir Aku ra batu natuyas ru bandar no mongoi ra limayak, am makito boo puun ru bandar no.

MIKA 1:6 ပူးပေါင်းရင်းမြစ်များ

2 SAMUIL 17:13

Amon ru magiru' io ra ralalom ru rondo' bandar, ngaangai' ru mamagun takau mangalap ra kalat-kalat am mamparalaat ra bandar no am mamparatu' raginio ra ralalom ru rondo' limayak ondo' nakainggaar. Rondo' batu pana kolondo' matatang giu' ra tampak ru bulur no.”

2 RAJA'-RAJA' 18:10

Kopongo talu ngambilor, bandar ru Samaria kinala. Baal raginio nasauk paat ra bilor koonom ra pamarintaan ru Raja' Gijkia, am bilor kasiam ra pamarintaan ru Raja' Gosia.

2 RAJA'-RAJA' 18:9

Paat ra bilor kaapat ra pamarintaan ru Raja' Gijkia, iono paat ra bilor katulu' ra pamarintaan ru Raja' Gosia giu' ra Israil, Raja' Salmanisir intor ra Asyur namulunsar ra Israil am nagawang ra bandar Samaria.

2 RAJA'-RAJA' 19:25

Kalo poyo kia nokorongog kou ra Aku noyo nangatang ra ngaangai' no intor ra galing i? Raino binaal Ku noyo. Aku no ondo' nangani' rirun ra kuasa' koson mamuso ra bandar-bandar mokoondo' ra kubu saboi nasauk ra tuntur ru batu.

JISAYA 17:1

Tuhan mindagu, “Damsyik kalo boo koson ra rondo' bandar, kaa' koson ayuk ra tuntur ru napuut.

JISAYA 25:12

Lunsayon ri Aki Kapuuno' kubu ampin ru bandar Moab; timbok no ra masawat gabaan saboi matutuk koson ra kaau.

JISAYA 25:2

Tinuyas Mu bandar-bandar; am nomopol ra kubu-kubu nano. Istana-istana binangun ru pantula' mai napuso ra sabuoi-buoi no.

JIRIMIA 31:5

Manangumo kau ra anggur giu' ra kabuluran ru Samaria, am ulun ondo' mantanom ra anggur makasia' ra ampos no.

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

JIRIMIA 51:37

Pagun no masauk ra tuntur ru nalunsai ondo' ayanin ru bibiag masigo. Baal no makalalaa'; kalo ayanin ru ulun giu' no, am ngaangai' ulun malaa' magilong raginio.

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

SULABOI 4:1

Mas ondo' manguliat nasauk noyo ra maitom-itom; batu-batu ru Baloi ru Tuhan pinalayak giu' ra ralan.

YEHEZKIEL 13:14

Kuayan Kuno koson mampalunsai ra timbok ondo' kinapuran nilo. Tutukon Ku ginio saboi batu maatang nano makito. Timbok no malunsai am mamatoi ramuyun ngaangai'. Bagu no moonong ulun makapandai ra Aku noyo Tuhan.

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

MATIUS 24:2

“Iou,” ragu ri Jisus, “Ilai' noyo ngaangai' ti! Balain takamin: Kolondo' rondo' batu pana intor ragitio soroi ra intok nano; ngaangai' ti lunsayon.”