MIKA 1:4 - Tanou Moonsoi Timugon

⁴ Ngaangai' gunung liminuu' ra ragana' ru kalayam Nano koson ra dian ralalom ru apui ondo' mapaang; tana' intor ra gunung lumuyu' mongoi ra limayak koson ra timug giu' ra rasawat ru bulur tumilis mongoi ra ragana'.

MIKA 1:4 ပူးပေါင်းရင်းမြစ်များ

MAZMUR 46:6

I Aki Kapuuno' minayan ra giu' no, bandar ra kalo pusoon; bulintok ra lakat poyo susuab, matong Io mangindangan riso.

MAZMUR 68:2

Bigor i Aki Kapuuno' am pantutuliaro' pantula' Nano. Ulun ondo' masisang Riso nagiru' intor Riso.

MAZMUR 97:5

Bulur lumuu' koson ra dian ra saang ru Tuhan, ra saang ru Tuhan titikop ru tana' ti.

AMOS 9:5

Paat ra Tuhan Raja' Ondo' Maayo Kaga' Kuasa' makakambong ra tana' ti, mogonggon boo tana', am ngaangai' ru mamagun nano manulaboi. Titikop ru tana' magaloi tumuun koson ra Sungoi Nil.

NAGUM 1:5

Gunung-gunung muyog giu' ra saang ru Tuhan; bulur-bulur lumuu' ra saang Nano. Tana' ti mogonggon paat ra Tuhan matong; tana' ti am ngaangai' ru mamagun nano monontol.

ABAKUK 3:10

Paat ra gunung-gunung makakito Rirun, ngaangai' no muyog; rasam rumatu' intor ra limbowon. Timug giu' ra ragana' ru tana' mompongoos am kinulun nano lumapos.

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

JAKARIA 14:4

Paat raginio, migor Io giu' ra Bulur Jaitun giu' ra tampilon sirangon ru Jirusalim. Kopongo raginio Bulur Jaitun malapak kapiruo ru limayak ondo' malangka', tumalimpuun intor ra sirangon saboi ra kalasaan. Sampiruo ra bulur no minsir mongoi ra tampilon ralayo am sampiruo poyo mongoi ra tampilon rabugus.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

TINGGANAI RU BANSA' 5:4

Iou Tuhan, paat ra Okou nangiruan ra kagunungan Siir, paat ra Okou miningkual intor ra libung ru Idom, napuyu' tana' ti am riminatu' rasam intor ra limbowon. Kukuruas timug intor ra gaun-gaun.