MIKA 1:16 - Tanou Moonsoi Timugon

¹⁶ Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

MIKA 1:16 ပူးပေါင်းရင်းမြစ်များ

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 4:8

Ginio ra pantangi' no am panulaboi no, pambayang no ra konoon karung tatandu' ra mangiluk guang, sabap ra sangit ru Tuhan ondo' bibilak ra Jiuda kalo poyo nakalinos.

JIRIMIA 47:5

Mamagun ru Gaja mangiluk kaga' guang, mamagun ru Askilon pana nongkoror. Saboi sanggilan kia ulun ru Palistin mangulir?

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

SULABOI 2:19

Ruruli' no tumirong ra mosorondom, am piawo' noyo Tuhan; pabalaa' ngai' suang ru guang muno am pakimasi' no koson ra anak-anak muno, anak-anak ondo' tatanga' maitilan giu' ra moonong lisangon ru ralan.

AMOS 7:11

Kono, ‘I Jirobiam matoi ralalom pangayawan, am ulun ru Israil ibiton ra pamatiran, maalur intor ra pagun nilo galama'.’ ”

AMOS 7:17

gitio noyo ragu ru Tuhan, ‘Andu' muno masauk ra ulun mantalan ra inan giu' ra ralan-ralan ru bandar am anak-anak muno potoyon ralalom ru pangayawan. Tana' muno tatayaron am taakin ra ulun bokon; okou galama' matoi giu' ra pagun ru ulun ondo' kalo makaulig ri Aki Kapuuno'. Mamagun ru Israil maaru' ibiton ra pamatiran, maalur intor ra pagun nilo galama'.’ ”

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

SAGULION 28:41

Mokoondo' kau ra anak ungkuyon am ruandu', kaa' mailusan kau risilo sabap ibiton ilo mugar koson ra ulun rinakop ra pangayawan.