MIKA 1:1 - Tanou Moonsoi Timugon

¹ Paat ra pamarintaan ri Raja' Jotam, Raja' Agas am Raja' Gijkia koson ra raja' ru Jiuda, nangani' Tuhan ra tanou ragitio ri Mika, ondo' intor no bandar Morisyit. Nanulu' Tuhan ra ngaangai' baal ru Samaria am Jirusalim ri Mika.

MIKA 1:1 ပူးပေါင်းရင်းမြစ်များ

2 RAJA'-RAJA' 15:32

Paat ra bilor karuo ra pamarintaan ru Raja' Pika anak ri Rimalia koson ra raja' giu' ra Israil, Raja' Jotam anak ungkuyon ru Raja' Ujia nasauk ra raja' giu' ra Jiuda.

2 RAJA'-RAJA' 15:5

Nangkinibit Tuhan ra Raja' Ujia makamaruol ra kungkung ondo' maaja' ra buoi ru bayag nano. Minayan io sangulun giu' ra baloi ondo' pinatuliar am pinalabus intor ra ngaangai' kandoi nano. I Jotam, anak ungkuyon nano namarinta ra mamagun koson suali nano.

2 RAJA'-RAJA' 16:1

Paat ra bilor koopor am tulu' ra pamarintaan ru Raja' Pika anak ri Rimalia giu' ra Israil, Raja' Agas anak ungkuyon ru Raja' Jotam nasauk ra raja' giu' ra Jiuda.

2 RAJA'-RAJA' 18:1

Paat ra bilor katalu ra pamarintaan ru Raja' Gosia anak ri Ila koson ra raja' ru Israil, i Gijkia, anak ungkuyon ru Raja' Agas nasauk ra raja' giu' ra Jiuda.

2 TUNUNG RU BANSA' ISRAIL 28:1

Raja' Agas nasauk ra raja' paat io makaumur ruo ngoopor ngambilor, am namarinta io giu' ra Jirusalim buoi mopor am onom ngambilor. Kalo timinilu io ra binaal moonsoi ru kinamatuaan nali, Raja' Daut. Binaal nai boo ru Raja' Agas atan ondo' kalo iniou ru Tuhan,

2 TUNUNG RU BANSA' ISRAIL 29:1

Raja' Gijkia nasauk ra raja' ru Jiuda paat ra io makaumur ruo ngoopor am limo ngambilor, am namarinta io giu' ra Jirusalim buoi ruo ngoopor am siam ngambilor. Ina' nano i Abia anak ri Jakaria.

JISAYA 1:1

Suang ru buuk ragitio napatanou intor ra Jiuda am Jirusalim ondo' pinabala' ri Aki Kapuuno' no ri Jisaya anak ri Amos, bulintok ra Raja' Ujia, Raja' Jotam, Raja' Agas am Raja' Gijkia namarinta ra Jiuda.

JISAYA 1:2

Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 7:1

Raja' Agas ioginio buayoi ri Raja' Jotam am akupu ri Raja' Ujia. Bulintok ra Raja' Agas namarinta ra Jiuda, nasauk noyo pangayawan. Raja' Rijin, raja' ru pagun Siria, am Raja' Pika anak ri Rimalia, ioginio raja' ru Israil, namulunsar ra Jirusalim kaa' kolondo' ampos nilo mangala ra bandar no.

JISAYA 7:9

Israil kalo maikang poyo intor ra Samaria, pusor bandar nano, am Samaria pana kalo maikang poyo intor ra Raja' Pika. Amon ru kalo totopot kau mangintopot Raki', maaru' akau no maratu'.”

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

GOSIA 1:1

Gitio noyo tanou ondo' pinataak ru Tuhan ri Gosia anak ri Biiri paat ra Raja' Ujia, Raja' Jotam, Raja' Agas am Raja' Gijkia nasauk ra raja' giu' ra Jiuda, am Raja' Jirobiam anak ungkuyon ru Raja' Jigoas masauk ra raja' giu' ra Israil.

GOSIA 4:15

“Kabalu' pana akau, ulun ru Israil kalo gumagaya' Raki', akau no poyo Jiuda pai' pambaal koson raginio. Pai' ongoi sambayang giu' ra Gilgal, kapoam giu' ra Bitil. Pai' baalo' bantu'-bantu' ra giu' no ralalom inggalan ru Tuhan ondo' naayag.

GOSIA 8:14

“Ulun ru Israil nambaal ra istana-istana, kaa' nalilianan nilo ondo' Namangun risilo. Ulun ru Jiuda nambaal ra bandar-bandar mokoondo' ra kubu, kaa' paratuon Ku apui koson monolob ra ngaangai' bandar am istana nilo.”

AMOS 1:1

Gitio noyo ragu-ragu ri Amos, sangulun magagalung ra domba intor ra bandar Tikoa. Ruo ngambilor ra kalo poyo nasauk tana' mogonggon, paat ra pagun ru Jiuda pinarinta ru Raja' Ujia am Israil pinarinta ru Raja' Jirobiam anak ungkuyon ru Raja' Jigoas, pinabala' ri Aki Kapuuno' ri Amos baal-baal intor ra Israil.

AMOS 6:1

Aibui boo ramuyun ondo' naayag ra matasu' giu' ra Sion, am akau ondo' maayag ra moonsoi giu' ra Samaria. Akau noyo ulun nauligan kaga' inggalan intor ra Israil, bansa' ondo' maayo; akau noyo ondo' ratangin ru mamagun koson makiindangan.

MIKA 1:5

Ngaangai' baal no masauk sabap ra ulun ru Israil makatula noyo am giminuor ri Aki Kapuuno'. Osoi nua' pinalansan ra guor ru Israil? Samaria, pusor ru bandar nano galama'! Osoi nua' pinalansan ondo' sumamba ra sinungkalalaing giu' ra Jiuda? Jirusalim!

MIKA 3:9

Rongogo' noyo ragu-ragu kutu, panguasa' ru Israil kau ngai', akau ondo' masisang ra katimpakan am mangulau ra katapatan masauk ra kasalaan.

ABAKUK 1:1

Gitio noyo tanou ondo' pinabala' ru Tuhan ra Nabi Abakuk.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.