MAZMUR 98:5 - Tanou Moonsoi Timugon

⁵ Rimbayi' noyo Tuhan ra pangamparan, ondo' sumbayaan ru jitor.

MAZMUR 98:5 ပူးပေါင်းရင်းမြစ်များ

1 TUNUNG RU BANSA' ISRAIL 15:16

Nanusub niayuk Raja' Daut ra tingganai-tingganai ru ulun ru Liwi maa' raginio manusub ra kukula' ngaulun intor ra bansa' nilo koson marimbai am mangkuli ra rimbai-rimbai kaansukan ra jitor am simbal.

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

2 TUNUNG RU BANSA' ISRAIL 29:25

Minaya' Raja' Gijkia ra susuban ondo' tinaakan ru Tuhan ra Raja' Daut ondo' pinabala' galing ri Gad, nabi ondo' nangandoi ra Raja' Daut, am ondo' pinabala' galing ri Nabi Natan. Pinosoroi ru Raja' Gijkia ulun ru Liwi giu' ra ralalom Baloi ru Tuhan koson mangkuli ra jitor am simbal,

MAZMUR 147:7

Rimbayi' min Tuhan no ra rimbai pangamparan, am kayusi' min i Aki Kapuuno' takano ra jitor.

MAZMUR 33:2

Paringkuanang kano ra Tuhan no sumbayaan ra jitor, paririmbai kano ondo' sumbayaan ru jitor.

MAZMUR 71:22

Omporon am rimbayin Tokou ondo' sumbayaan ru jitor; omporon ku gagaya' Muno, iou Aki Kapuuno' kuno. Rimbayin Tokou ra mazmur ondo' sumbayaan ru jitor, iou Aki Kapuuno' ru ulun ru Israil, Aki Kapuuno' Ondo' Matulai.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.