MAZMUR 98:2 - Tanou Moonsoi Timugon

² Pabalaan ru Tuhan namanangan Nano; paraguon No katimpakan Nano ra ngaangai' bansa'.

MAZMUR 98:2 ပူးပေါင်းရင်းမြစ်များ

MAZMUR 22:31

Papag ra orou matong no niayuk mangandoi ayuk Riso; inggalan ru Tuhan sunuron ru ulun ra papag nilono.

MAZMUR 24:5

Ilo noyo barakaton am bayagon ru Tuhan, am i Aki Kapuuno' nangaru' ra ilo kolondo' sala.

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JISAYA 62:2

Okou Jirusalim, bansa'-bansa' magilong ra kamanangan muno, raja'-raja' magilong ra kaantakan muno! Sabiton kou ra inggalan bagu, inggalan ondo' tinaakan galama' ru Tuhan.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

LUKAS 3:6

Ngaangai' ulun ru tana' ti makakito ra ati kulaan i Aki Kapuuno' mamayag ra ulun!’ ”

ROMA 1:17

Sabap ra Tanou Moonsoi no manulu' ra ati kulaan i Aki Kapuuno' am ulun mobonsoi saguli' – ginio masauk ralalom ru mangintopot ri Aki Kapuuno', intor ra talimpuun suku' ra pupus no. Koson niayuk tinulisan ra Buuk Kitab, “Ulun ondo' mangintopot saboi mobonsoi saguli' ri Aki Kapuuno', ulun no topot-topot maayag.”

ROMA 10:18

Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab, “Bolos ru sinusub nakaralat noyo ra titikop ru tana' ti, am ragu nilai nakasuku' noyo ra ujok ru mamagun.”

ROMA 9:30

Gitio noyo arati' ru raguon mai; ulun sala' ka Jaudi ondo' kalo mirot mobonsoi saguli' ri Aki Kapuuno', ilo noyo pinobonsoi saguli' ri Aki Kapuuno' ralalom ru pangintapatan nilo Riso.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.