MAZMUR 98:1 - Tanou Moonsoi Timugon

¹ Mazmur. Rimbayi' noyo Tuhan no ra rimbai nakabagu; nambaal Io ra kandoi makaimuag! Ralalom ru kuasa' am kaikangan Nano galama', noowot No noyo kamanangan.

MAZMUR 98:1 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

MAZMUR 105:5

Akau papag ri Abragam, ulipon Nano, am papag ri Jakub, ulun pinili' Nano, karaa' noyo kaimuagan binaal ri Aki Kapuuno', pai' liliani' ragu kapatasan ra pinataak Nano.

MAZMUR 136:4

Io ayuk mambaal ra baal ra makaimuag toojo; togom Nano mantilayun.

MAZMUR 139:14

Mongompor aku Rirun sabap ra moonsoi am makaimuag toojo namangunan Muno raki'. Nansalinut binaal Muno makaimuag kaga'. Natutunan ku noyo toojo.

MAZMUR 149:1

Omporo' noyo Tuhan! Rimbayi' Tuhan no ra rimbai nakabagu; omporo' Iono ralalom pantitimungan ru ulun Nano ondo' gumagaya'!

MAZMUR 33:3

Rimbayi' min Tuhan no ra rimbai nakabagu, tandaa' min kayus ra jitor, am parimbai no ra bolos mapuor!

MAZMUR 72:18

Omporo' noyo Tuhan, i Aki Kapuuno' ru ulun ru Israil, Io ayuk mambaal ra baal-baal ra makaimuag toojo.

MAZMUR 77:14

Iou Aki Kapuuno', ngaangai' binaal Muno matulai. Osoi kia mokogondo' ra kinatulai ri Aki Kapuuno' mai?

MAZMUR 86:10

Kuasa' ginuut Mu am mambaal ra kaimuagan; Okou no ayuk i Aki Kapuuno'.

MAZMUR 89:14

Mapara' piboo gayo ru kuasa' Muno, am mapara' piboo gayo ru kinaikang Muno!

MAZMUR 96:1

Rimbayi' noyo Tuhan no ra rimbai nakabagu! Rimbayi' noyo Tuhan, akau titikop ru tana' ti!

MAZMUR 96:3

Potonowo' noyo katulayan Nano ra ngaangai' bansa', am ngaangai' binaal Nano ondo' makaimuag toojo ra ngaangai' ulun.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 15:6

Iou Tuhan, ikang Muno, makaimuag kaga', nanutuk Kou ra pantula' saboi natutuk kaga'.

JISAYA 12:5

Rimbayi' min noyo Tuhan no sabap binaal Nano ra matulai. Musiti' no titikop ru tana' ti mangkirongog ra atan binaal Nano.

JISAYA 42:10

Rimbayi' noyo Tuhan ra rimbai bagu; Omporo' Io no, akau titikop ru tana'! Omporo' Io no, okou raat am ngaangai' suang nano, paririmbai kano, akau mamagun ru pagun-pagun ra maalur!

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JISAYA 59:16

Mangimuag Io sabap ra kolondo' ulun rumatong am kolondo' ulun manungka'. Ginio ra mamakai Io ra kuasa' Nano galama' koson mamayag am mapamanang risilo.

JISAYA 63:5

Mangimuag Aku sabap kolondo' sangulun pana paat Aku maguyum ra ulun mangindangan Raki'. Kaa' sangit Kuno ra mapaangan mapasauk ra Aku maikang, am Aku namanang ra kaikangan Kuno galama'.

JIRIMIA 31:22

Saboi sanggilan kau pagantangan, bansa' kau ondo' kalo gumagaya' Raki'? Nambaal Aku kia ra rorondo' ondo' bagu am makaimuag, makaimuag koson ra ruandu' manindung ra ungkuyon.”

LUKAS 1:49

Mongompor aku ri Aki Kapuuno' Ondo' Maayo Kaga' Kuasa' sabap ra binaal Nano raki' baal ondo' maatang kaga'. Matulai inggalan Nano.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

RINALATAN 19:20

Kon raginio noyo ra bala' intor ra Tuhan nakatabual poyo am masuang poyo boo ulun nangintopot ri Jisus.

RINALATAN 2:11

iou pana ulun ru Jaudi am niayuk ulun bansa' ra bokon ondo' siminubol noyo ra ugama Jaudi; am poyo mokoondo' minatong intor ra pulu' Krita am pagun Arab. Itakau ngaangai' makaining risilo mindagu ra ragu takau sigagama' intor ra baal kaimuagan ondo' sinauk ri Aki Kapuuno'!”

KOLOSI 2:15

Giu' ra salip i milabus i Kristus intor ra mangunguasa' am mamarinta malaat no. Tinauyu' No ilo ra ilo inulipon am inibit No ra pangiantakan ru kamanangan Nali.

PINAINTALANG 14:3

Giu' ra saang ru takhta, kaapat-apat ru ilo ondo' maayag am tingganai-tingganai no, minigor poyo 144,000 ngaulun no am marimbai ra rimbai nakabagu. Rimbai raginio kalo maalap kaigigila' ru osoi ayuk pana, kaa' maatus apat ngoopor am apat ngaribu ngaulun no ayuk sabap ra binayag ilo noyo ri Aki Kapuuno'.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.

PINAINTALANG 6:2

Ilai' ku boo sanginan kuda mapulak am ondo' siminakoi no nampaguut ra panah am io ti inanian ra rondo' karaun. Minugar io koson ra sangulun ondo' nangala noyo ra pantula' nano.