MAZMUR 96:2 - Tanou Moonsoi Timugon

² Rimbayi' noyo Tuhan, am omporo' Io no! Moonong orou potonowo' noyo tanou moonsoi ra Io noyo namayag ritakau.

MAZMUR 96:2 ပူးပေါင်းရင်းမြစ်များ

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

MAZMUR 71:15

Paraguon ku kaansayan Muno; songorowon ku mapatanou ra pamayagan intor Rirun no, kabalu' pana baal raginio nakasail ra pangaratian kuno.

MAZMUR 40:10

Ralalom pantimungan ru ulun Muno tunungon kuno tanou moonsoi ra Okou namayag ramon. Kalo langgain ku tunung kuno. Iou Tuhan, ngaangai' no napandayan Mu noyo.

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

MAZMUR 145:1

Rimbai pangamparan ri Daut. Anggakon Tokou, iou Aki Kapuuno' am Raja' kuno; am mongompor aku Rirun ra sabuoi-buoi no.

PINAINTALANG 5:13

Morongog ku boo moonong ilo ondo' maayag ru suruga' no, tana' no, intok ru ulun namagatoi am ralalom ru raat no – ilo ngaangai' marimbai: “Koompor am kaurumat noyo, kuasa' am ikang ra mantilayun, ra Io ondo' manturung ra takhta am ra Anak Domba no!”

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

MAZMUR 145:10

Ngaangai' ilo ondo' maayag ra binaal Muno mongompor Rirun, iou Tuhan, am ngaangai' ulun Muno maringkuanang Rirun.

MAZMUR 103:20

Omporo' noyo Tuhan, akau ngaangai' malaikat ondo' maikang am mapanggol, ondo' mangkirongog am mambaal ra susuban Nano!

1 TUNUNG RU BANSA' ISRAIL 29:20

Kopongo pakiasian raginio, indagu Raja' Daut ra ulun masuang ondo' natimung ra giu' no, “Omporo' noyo Tuhan i Aki Kapuuno' min!” Ngaangai' ulun pana nongompor-ngompor boo ra Tuhan, i Aki Kapuuno' ondo' sambaan ru kinamatuaan nilai. Kopongo raginio igulatur ilo koson mangurumat ra Tuhan am raja'.

MAZMUR 145:2

Moonong orou aku maringkuanang Rirun; omporon Tokou ra sabuoi-buoi no.