MAZMUR 95:4 - Tanou Moonsoi Timugon

⁴ Io namarinta ra titikop ru tana' ti, luang ru batu malandom kaga' am gunung ra masawat kaga'.

MAZMUR 95:4 ပူးပေါင်းရင်းမြစ်များ

MAZMUR 135:6

Baalon No atan ondo' kasaga' Nano, giu' ra limbowon kapoam tana' ti; giu' ra raat kapoam tatanga' ru raat ondo' malandom.

ABAKUK 3:10

Paat ra gunung-gunung makakito Rirun, ngaangai' no muyog; rasam rumatu' intor ra limbowon. Timug giu' ra ragana' ru tana' mompongoos am kinulun nano lumapos.

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

AYUP 9:5

Mabandingan No gunung ra mapulalian, am mamuso riso paat ra sumangit.

NAGUM 1:5

Gunung-gunung muyog giu' ra saang ru Tuhan; bulur-bulur lumuu' ra saang Nano. Tana' ti mogonggon paat ra Tuhan matong; tana' ti am ngaangai' ru mamagun nano monontol.

MIKA 1:4

Ngaangai' gunung liminuu' ra ragana' ru kalayam Nano koson ra dian ralalom ru apui ondo' mapaang; tana' intor ra gunung lumuyu' mongoi ra limayak koson ra timug giu' ra rasawat ru bulur tumilis mongoi ra ragana'.

MAZMUR 97:5

Bulur lumuu' koson ra dian ra saang ru Tuhan, ra saang ru Tuhan titikop ru tana' ti.

MAZMUR 65:6

Bulintok ra akai mampiau tumaam Kou am manaak Kou ramon ra kamanangan; baal-baal makaimuag binaal Mu koson mamayag ramon. Okou kalansanan ru ulun ra titikop ru tana' ti, am ulun giu' ra sandaup ru raat ondo' maalur.

AYUP 11:10

Amon ru i Aki Kapuuno' mamparakop am mangakim rirun, osoi kia makapanginga' Riso?

MAZMUR 21:2

Maansukan raja', iou Tuhan, ra Okou napaikang ra raja'; maansukan raja' ra namanangan ondo' pinataak Muno riso.

MAZMUR 71:20

Kapaganan kapoam imbolo' porotongon Mu raki', kaa' pasagulion Mu ikang kuno; painggaluron Mu aku intor ra lobong.