MAZMUR 95:3 - Tanou Moonsoi Timugon

³ Tuhan raginio noyo i Aki Kapuuno' ondo' mangunguasa', raja' maikang ondo' mangunguasa' ra ngaangai' dewa.

MAZMUR 95:3 ပူးပေါင်းရင်းမြစ်များ

NIGIMIA 8:6

Kon ri Ijra, “Omporo' noyo Tuhan, i Aki Kapuuno' ondo' matulai!” Ngaangai' ru ulun no napainsawat ra kalindu' am taam, “Amin! Amin!” Kopongo raginio igulatur ilo samba ri Aki Kapuuno'.

MAZMUR 104:1

Omporo' noyo Tuhan, alii ra salibuor kuno! Iou Tuhan, i Aki Kapuuno' kuno, mapara' piboo kinatulai Muno! Linibungan Kou ru katulayan,

MAZMUR 135:5

Nakapandai aku ra Tuhan takano makakuasa'; makakuasa' Io toojo ka tuhan ra bokon.

MAZMUR 145:3

Tuhan no matulai am maaya' omporon toojo, katulayan Nano kalo maratian takau.

MAZMUR 47:2

Pagitapap kau, akau ngaangai' bansa'! Omporo' i Aki Kapuuno' ra rimbai ondo' mapuor am mapabansuk!

MAZMUR 47:3

Tuhan Ondo' Masawat Kaga' musiti' kalaanin; Raja' ondo' matulai ra titikop ru tana' ti.

MAZMUR 96:4

Tuhan no matulai am musiti' Io omporon kasawato', musiti' Io urumaton makasail poyo intor ra ngaangai' ru dewa.

MAZMUR 97:9

Iou Tuhan Ondo' Maayo Kaga' Kuasa', Okou noyo namarinta ra titikop ru tana' ti; Okou noyo makakuasa' ka ngaangai' ru dewa.

KAINGKUALAN 12:12

Paat ra rondom raginio ongoyon Ku liputo' titikop ru pagun ru Misir, am mamatoi ra moonong anak ungkuyon katuaan, am niayuk moonong anak ungkuyon katuaan ru bibiag. Mangukum Aku ra ngaangai' dewa ra Misir; Aku noyo Tuhan.

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

JISAYA 44:8

Pai' noyo kalaa', akau ulun Kuno! Nakapandai kano intor ra galing suku' ragino nanala' Aku no ra nansalinut kasaukan no; akau noyo sasi'-sasi' Kuno. Suai Raki', kolondo' bokon, am kolondo' manindung ra bokon ondo' kalo poyo napandayan Kuno.”

JIRIMIA 46:18

Aku, Tuhan Ondo' Maayo Kaga' Kuasa', Aku noyo raja'. Aku noyo i Aki Kapuuno' ondo' maayag. Koson ra Gunung Tabor masawat poyo intor ra gunung ra bokon, am Gunung Karmil masawat poyo intor ra ralimbou ru raat, koon raginio noyo kaikangan ru ulun ondo' mamulunsar ramuyun.

JIRIMIA 48:15

Moab am bandar-bandar nano pinuso noyo; ulun mamulok no ondo' moonsoi kaga' pinatoi. Aku noyo raja', Tuhan Ondo' Maayo Kaga' Kuasa', am Aku nakaindagu noyo.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

MATIUS 5:35

kapoam tana' ti alapon min ra sasi', sabap ra tana' ti papakirawan ri Aki Kapuuno' ra kalayam Nano; kapoam bandar Jirusalim alapon min ra sasi', sabap ra ginio bandar ru raja' maayo toojo.

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.