MAZMUR 95:11 - Tanou Moonsoi Timugon

¹¹ Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”

MAZMUR 95:11 ပူးပေါင်းရင်းမြစ်များ

IBRANI 4:3

Kaa' itakau ondo' mangintopot, makatangus mabaya' Riso koson ra rinagu Nali: “Masisang saboi nagibot Aku risilo: kalo noyo makasubol ilo ra pagun nilai am tumangus mabaya' Raki'.” Minindagu Io koson raginio kabalu' pana kandoi Nali nopongo noyo intor ra tana' ti biningkal.

IBRANI 4:5

Am tunggul no poyo; “Kalo noyo makasubol ilo ra pagun nilai am tumangus mabaya' Raki'.”

IBRANI 3:11

Ginio ra nasisang Aku saboi nagibot risilo: ‘Kalo noyo makasubol ilo ra pagun nilai am tumangus mabaya' Raki'.’ ”

UNTABAN 14:23

Kalo noyo toojo mokoongoi ilo ra tana' ondo' binantu' Kuli ra kinamatuaan nilai. Kolondo' sangulun pana ondo' manggal Raki' mongoi ra giu' no.

IBRANI 3:18

Ri osoi kia inibatan Nano ra kalo makasubol ra pagun nilai am tumangus mabaya' Riso? Ilo tupo ondo' kalo giminagaya' Riso.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

SAGULION 12:9

sabap kalo poyo nakasaboi kau ra tana' ondo' taakin ramuyun ru Tuhan i Aki Kapuuno' min, intok min mayan ra mamimio.

PINAINTALANG 14:13

Korongog ku boo bolos intor ra limbowon mindagu, “Tulisi' noyo gitio: Pakaansuk noyo ilo ondo' intor raino matoi sabap ra mampaugar ra kandoi ru Tuhan.” Taam Ambiluo ri Aki Kapuuno', “Motopot. Ilo ti patanguson intor ra kaimbalaan, am aniin ilo ra ampos sabap ra kandoi nilono ra Tuhan.”

YEHEZKIEL 13:9

Ukumin Takamin, nabi-nabi ondo' nakakito ra pinaintalang ra kalo motopot am niayuk nampasaboi ra ondo' inala' ra mampalayau. Kalo mababaya' kau ra ulun Kuno paat ra ilo mansusunur; inggalan mino kalo tulisin ra ralalom inggalan ru ngaangai' ulun ru Israil, am kalo makauli' kau ra intok mino galama'. Bagu no makapandai kau ra Aku noyo Tuhan Raja'.