MAZMUR 95:10 - Tanou Moonsoi Timugon

¹⁰ Suku' apat ngoopor ngambilor Aku nasuraan risilo; Minindagu Aku, ‘Mapara' piboo usung nilono! Kalo gumagaya' ilo ra panusuban Kuno.’

MAZMUR 95:10 ပူးပေါင်းရင်းမြစ်များ

IBRANI 3:17

Ri osoi kia sinangitan Nano buoi apat ngoopor ngambilor? Ilo tupo ondo' nambaal ra tula am minatoi giu' ra tana' kaagisan.

RINALATAN 13:18

Buoi ru apat ngoopor ngambilor nokoorot Io risilo giu' ra tana' kaagisan.

RINALATAN 7:36

Io ti noyo ondo' nagibit ra bansa' ru Israil miningkual intor ra Misir nabaya' ra kukula' kaimuagan sinauk no giu' ra Raat Malia' am poyo giu' ra tana' kaagisan saboi apat ngoopor ngambilor buoi.

JISAYA 63:17

Kaa' ragino kua polosoo' Mu akai makalayau? Kua polosoo' Mu akai bambalingatan saboi akai kalo malaa' Rirun? Saguli' no ramon, sabap risilo ondo' mangandoi Rirun, am sabap risilo ondo' masalok masauk ra longgom Muno.

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

SAGULION 1:3

Paat ra orou kasaa' sila' koopor am rondo' ralalom bilor kaapat ngoopor nalupus ilo nangiruan ra Misir, nambala' i Musa ra ulun ru Israil ra ngaangai' ondo' nanusuban ru Tuhan riso, koson posoboyon risilo.

UNTABAN 32:13

Siminangit Tuhan ra ulun ru Israil am nambaal risilo timinanggau giu' ra tana' kaagisan buoi apat ngoopor ngambilor, saboi minatoi noyo ngaangai' papag ondo' giminuor ra Tuhan.

KASAUKAN 6:6

Ginio ra pansagulian boo Tuhan napasauk risilo am napaayan ra tana' ti. Nasindualan kaga' Tuhan.

AYUP 21:14

Ulun malaat manusub ri Aki Kapuuno' minggalur risilo; marara' ilo makapandai ra kasagaan Nano ra tayar ru bayag nilo.

JIRIMIA 14:10

Koon raginio noyo ragu ru Tuhan intor ra ulun raginio, “Masaga' ilo magiru' intor Raki' am marara' ilo magalung ra inan. Ginio ra kalo maansayan Aku risilo. Karaan ku kasalaan nilo, am mangukum risilo sabap ra tula nilo.”