MAZMUR 94:4 - Tanou Moonsoi Timugon

⁴ Kula' poyo buoi ru ulun malaat lumimbau, am maansukan ra kalaatan nilo?

MAZMUR 94:4 ပူးပေါင်းရင်းမြစ်များ

AYUP 20:5

kaansukan ru ulun malaat kalo mabuoi; katasuan ru ulun malaat sangkuliop ayuk.

MAZMUR 125:5

Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!

MAZMUR 140:3

Masalok ilo mangatang ra kalaatan, am masalok mapatabual ra pansasangaran.

MAZMUR 31:18

Mampiau aku Rirun, iou Tuhan; pai' aku polosoo' tauyuon. Polosoo' ayuk ulun malaat tauyuon, am kalinuos nilo tumuun ra intokon ru ulun namagatoi.

MAZMUR 52:1

Ra tingganai ru santimungan maririmbai. Sisindiron ri Daut,

MAZMUR 59:12

Pai' ilo potoyo', iou Aki Kapuuno', maa' raginio bansa' kuno kalo makalilian. Kuliagayo' pantula' no ra kuasa' Muno am kalaan ilo, iou Tuhan, manindung ramon.

MAZMUR 59:7

Bulintok ra palunggai' ra ilo minuli', maguang koson ra uku' paat lumiput ra bandar.

AMSAL 30:14

Mokoondo' ulun mamparuung ra ulun musikin am mapagon. Ginio noyo ralan nilo maguyum ra akanon.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

DANIL 7:11

Liliwa' ra aku magilong, lakat aku poyo mokorongog ra bolos ru sangau boborok no mindagu ra lumimbau. Tatanga' ra aku magilong, bibiag kaapat no pinatoi, am baangkai nano pinatiran ra ralalom ru apui saboi napuso.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

DANIL 7:8

Liliwa' ra aku magilong ra sangau-sangau no, nakito ku poyo rondo' sangau ondo' boborok siminalula' ra gino ngai' no. Sangau no nanginggi' ra talu sangau ondo' soroi ra giu' no. Sangau boborok no mokoondo' ra mato koson ra mato ru ulun, am kabang ondo' mindagu ra lumimbau.

DANIL 8:11

Sangau boborok no baani kaga' manggal ra Panglima ru saujor-saujor ru suruga', nopolonggo' ra taak simbalui orou-orou ondo' pataakon ra Panglima no, am nampajamol ra Baloi ru Tuhan.

MATIUS 12:24

Paat ra ulun-ulun ru Parisi nokorongog ragitio, taam ilo, “Mampagiru' Io ra riwato sabap ra inanian Io ra kuasa' ri Biiljibul, Tingganai ru riwato no.”

MATIUS 12:34

Akau ulun malaat. Ginio poyo, ati kulaan kau makaindagu ra baal ondo' moonsoi? Sabap ra atan ondo' soroi ralalom ru guang, ginio noyo raguon ru kabang.

1 SAMUIL 2:3

Langgai' noyo ragu muno ra malilimbau, pai' indagu ra ragu masumbung. Sabap ra Tuhan no i Aki Kapuuno' Ondo' Makapandai Kaga', mangakim Io ra ngaangai' baalon ru ulun.