MAZMUR 94:23 - Tanou Moonsoi Timugon

²³ Ukumin No ulun malaat sabap ra kinalaat nilono, am mamuso risilo sabap ra tula nilono; Tuhan, i Aki Kapuuno' takau no ondo' mamuso risilo.

MAZMUR 94:23 ပူးပေါင်းရင်းမြစ်များ

2 RAJA'-RAJA' 19:7

Mangkinibit Tuhan ra raja' ru Asyur no mangining ra rondo' tanou kalo motopot saboi magiru' io muli' ra pagun nano galama'. Mopoloso Tuhan riso potoyon ra giu' no.”

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

ESTER 9:25

Kaa' minuma' i Ester ra raja', am nangingkual raja' ra susuban tinulisan, saboi inantungan i Gaman ra kinibit ru inatang malaat nano ra ulun ru Jaudi. Io am anak-anak ungkuyon nano tinair ra lugu' pampatairan.

MAZMUR 109:20

Iou Tuhan, pantula' kuno ukumi' koson raginio, ilo ondo' mangilaat raki'.

MAZMUR 12:3

Ngaangai' ulun magabau ra rondo' am bokon, am mamparuung am mantaligamis ra rondo' am bokon.

MAZMUR 55:23

Pataako' noyo pagalabaan muno ra Tuhan, am manungka' Io ramuyun; kalo polosoon No ulun mabanis guang kalaan.

MAZMUR 64:8

Kaa' pabakison ri Aki Kapuuno' panah Nano risilo, bulintok niayuk raginio majamaran ilo.

MAZMUR 7:16

Napataan ilo ra jajaling ra ulun bokon, kaa' ilo galama' sumulung.

AMSAL 1:31

Intor raginio, malimanan min kinibit ru binaal am ginuang min ra mangalaat.

AMSAL 14:32

Ulun malaat matoi sabap ra kalaatan nilo galama'; ulun moonsoi masindungan sabap ra kabanisan ru guang nilo.

AMSAL 2:22

Kaa' ulun malaat am makatula paingkualon ri Aki Kapuuno' intor ra pagun raginio, koson ra sakot binubul intor ra tana'.

AMSAL 5:22

Tula ru ulun malaat koson ayuk ra landak ondo' mampajaling riso galama'.

AMSAL 5:23

Matoi io sabap ra kalo nangkirongog ra bilin. Kabuduan nano mangkimait riso ra lobong.

JIRIMIA 36:31

Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

YEHEZKIEL 18:24

“Kaa' amon ru sangulun moonsoi lumonggo' mambaal ra moonsoi, am tumalimpuun mambaal ra malaat am mambaal ra baal-baal ondo' binaal ru ulun malaat, maayag io ayuk kia? Kalo! Ngaangai' baal moonsoi ondo' igondo' binaal nano kalo karaan. Matoi io sabap ra kalo gumagaya' io Raki' am sabap ra makatula io noyo.

DANIL 7:24

Mopor sangau no iono mopor ngaulun raja' ondo' mamarinta ra pamarintaan no. Kopongo raginio sangulun raja' ra bokon sumalula'. Io nansuai toojo ra raja'-raja' ondo' nakasigulu, am mampaala ra talu ngaulun raja'.

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

TINGGANAI RU BANSA' 9:57

Nangkinibit i Aki Kapuuno' niayuk ra mamagun ru Sikgim naimbolo' sabap ra kalaatan nilo, koson ra rinagu ri Jotam anak ri Gidion paat io nagulas risilo.