MAZMUR 94:10 - Tanou Moonsoi Timugon

¹⁰ Sinangitan No ngaangai' bansa' – musiti' ukumin No ilo. Io no mangingila' ra ngaangai' ulun – musiti' masuang napandayan Nano.

MAZMUR 94:10 ပူးပေါင်းရင်းမြစ်များ

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

AYUP 35:11

am nampasauk risilo ra mapintar poyo intor ra bibiag ra lantur kapoam susuit ra mansiab.

MAZMUR 10:16

Tuhan raja' ra mantilayun, am ulun ondo' kalo makaulig Riso mapuso io intor ra pagun Nano.

MAZMUR 119:66

Anii' aku ra kapintaran am kapandayan, sabap ra mangintopot aku ra panusuban Muno.

MAZMUR 149:7

koson mampaala ilo ra ngaangai' bansa', am mangukum ra ulun nilono;

MAZMUR 44:2

Iou Aki Kapuuno', akai galama' nokorongog ra tutunungon ru kinamatuaan maili, intor ra binaal Muli ra mangaayo intor ra galing i ayuk poyo.

MAZMUR 9:5

Okou namarinta koson ra akim ondo' matimpok, am Okou no manungka' ra binaal kuno.

AMSAL 2:6

Tuhan noyo manaak ra kapintaran. Katutunan am karatian Io namuun.

JISAYA 10:12

Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 28:26

Makapandai io mambaal ra kandoi nano, sabap ri Aki Kapuuno' nangila' riso.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JIRIMIA 10:25

Paabuso' noyo sangit Muno ra bansa'-bansa' ondo' kalo sumamba Rirun, am ra ulun ondo' nangimpai Rirun. Pinuso nilo ulun Muno; tinutuk nilo akai lingono' am namuso ra pagun mai.

YEHEZKIEL 39:21

Indagu Tuhan, “Mampakito Aku ra katulayan Kuno ra bansa'-bansa', am makakito ilo Raki' mamakai ra kuasa' Kuno koson manugut ra kapatasan Kuno ra matimpok.

AMOS 3:2

“Intor ra ngaangai' bansa' ra tana' ti, akau noyo rorondo' bansa' ondo' nauligan Kuno am alungin. Ginio sabap ra tula min maayo, am musiti' ukumin Takamin.”

ABAKUK 1:12

Iou Tuhan, Okou i Aki Kapuuno' intor noyo ra galing. Okou i Aki Kapuuno' kuno ondo' matulai am mantilayun. Iou Tuhan, i Aki Kapuuno' kuno am manindung raki', nampili' Kou ra ulun Babilonia; nampaikang Kou risilo maa' raginio makapangukum ramon.

ABAKUK 3:12

Ralalom ru sangit lumiput Kou ra tana' ti; ralalom ru sangit manginjang Kou ra bansa'-bansa'.

JUANIS 6:45

Tinulisan noyo ra Kitab ru Nabi-Nabi, ‘Ngaangai' ulun ilaan ri Aki Kapuuno'.’ Moonong ulun ondo' mangkirongog ri Ama' am migigila' intor Riso matong Raki'.