MAZMUR 94:1 - Tanou Moonsoi Timugon

¹ Iou Tuhan, Okou noyo i Aki Kapuuno' ondo' mangukum ra ulun makatula; paintalango' noyo sangit Muno!

MAZMUR 94:1 ပူးပေါင်းရင်းမြစ်များ

2 RAJA'-RAJA' 9:7

Potoyon mu sasambaloi ru tuan muno, anak ri Agab no, maa' raginio makapangukum Aku ri Ijibil ondo' namatoi ra nabi-nabi Kuli am ulipon-ulipon Ku ra bokon i.

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

MAZMUR 80:1

Ra tingganai ru santimungan maririmbai. Sumugut ra rimbai: Bunga' Bakung. Mazmur kaintutunan ri Asap.

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

JIRIMIA 50:28

Ulun nagigiru' intor ra Babilonia am minatong ra Jirusalim; tinunung nilo ati kulaan ra Tuhan, i Aki Kapuuno' takau nambalos ra binaal ru ulun Babilonia ra Baloi ru Tuhan.)

JIRIMIA 51:56

Matong pantula' koson mamuso ra Babil; saujor-saujor no rinakop noyo, busur nilo pana pinandak noyo. Aku, i Aki Kapuuno' ondo' nangukum ra kalaatan; pamakuan Ku ra Babil no nogondo' ra binaal nano.

JIRIMIA 51:6

Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

SAGULION 32:35

Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

IBRANI 10:30

Sabap ra napandayan takau noyo osoi minindagu, “Aku no mambalos risilo am mangukum risilo.” Mindagu Io niayuk, “Mangakim Tuhan no ra ulun Nano.”