MAZMUR 92:5 - Tanou Moonsoi Timugon

⁵ Binaal Muno, iou Tuhan, makabansuk raki'; marimbai aku maansukan ra binaal Muno.

MAZMUR 92:5 ပူးပေါင်းရင်းမြစ်များ

MAZMUR 104:24

Iou Tuhan, masuang kaga' binangun Muno! matuyu' toojo kandoi nambaalan Muno! tana' napanu' ra nansalinut ondo' maayag ra binaal Muno.

MAZMUR 111:2

Makaimuag toojo atan ondo' binaal ru Tuhan; ngaangai' ulun ondo' maansayan ra atan ondo' binaal Nano imansain no toojo.

MAZMUR 139:17

Iou Aki Kapuuno', mapara' piboo pagon ru pangkaraan Muno ra aku mangkara', am mapara' piboo kinasuang no.

MAZMUR 36:6

Iou Tuhan, togom Muno koson sawat ru limbowon, am gagaya' Muno makasuku' ra kinasawat ru gaun.

MAZMUR 40:5

Pakaansuk kano ulun ondo' mangintopot ra Tuhan, ulun ondo' kalo sumamba ra sinungkalalaing kapoam maya' risilo ondo' sumamba ra dewa.

MAZMUR 64:6

Mangunsu' ilo ra rangan-rangan koson mambaal ra malaat; mansusunur ilo koson mangatang ra jajaling; indoson nilo kolondo' ulun nakakito.

MAZMUR 66:3

Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

MAMPATANOU 7:24

Atan koson sasangulun no makapandai ra arati' ru kaayagan? Baal raginio malandom kaga' am mapagon kaga' aration.

JISAYA 28:29

Ngaangai' kapintaran raginio intor ra Tuhan Ondo' Maayo' Kaga' Kuasa'. Ngaangai' inatang ri Aki Kapuuno' mapintar am masalok makaampos.

JIRIMIA 23:20

Sangit Nano kalo luminos ra kalo poyo ngaangai' inatangan Nano masugut. Paat ra orou tauli no, ulun ru Tuhan makarati' ra baal raginio ra totopot.”

1 KORINTUS 2:10

Kaa' ondo' kalo igondo' pinabala' raginio pinabala' noyo ri Aki Kapuuno' ritakau ralalom ru Ambiluo Nano. Ngaangai' imumuyin toojo ru Ambiluo ri Aki Kapuuno', suku' ra kasagaan ru guang ri Aki Kapuuno' ondo' nabuni toojo no pana.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!